2 Kɔrintian 3:12 - Vengo (Babungo)

¹² Faŋ yia nùŋ fwi sia maa ntɔŋ yijəə yɔ́ nee nə, yia jia fwi ŋkee dɨdɨꞌ maa mətɨŋnə, fɨꞌtə nu Nwi.

2 Kɔrintian 3:12 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:24

Vɨɨ kwalə vɨɨ Jus jwi yɨ ŋwə, kìa ŋwə, gì tɨ́ ŋwə laa, «A sii taa tay kɨkə, buu naysə wə ntɨə faŋ a lùu tɨ́ yia. Kɨ luu laa a luu Kristo, wə ntiə faŋ Nwi fɔ̀ɔlə ŋwə, a nàysə tɨ́ yia ntee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:25

Yeso baa gì tɨ́ vɨɨ məzwetə nu ki laa, «Mə nəə gisə vənu vɔ́ tɨ́ viŋ maa ghaŋ tii. Yighee ndɔ kuꞌ, faŋ mə kee ndɔ baa kɨ gisə tɨ́ viŋ maa yigisə tii me, twelə vənu kɔ̀ŋ tɨta Nwi tɨ́ viŋ ntee, ley ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:29

Vɨɨ məzwetə nu ki gi tɨ́ ŋwə laa, «Əhəŋ, a gisə ndwə ntee, a kee baa gisə maa ghaŋ tii me.

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Akts 4:13

Shuu vəŋ yɔŋ maa Pita ghɔ Jɔn buꞌ faŋ vəŋ nəə gisə nə wutə, kee fee wə me. Shuu vəŋ yɔŋ buꞌ laa vəŋ nə kɨɨ laa Pita ghɔ Jɔn nə kee lùu vɨɨ məkɨɨ nə ŋwaꞌlə yaŋ me. Vəŋ nə luu sheꞌ vɨɨ dayday. Luu nə, vəŋ kɨɨ nɨzi laa vəŋ nəə toꞌ ghɔ vɨ Yeso mɔ́ꞌ.

Akts 9:27

Barnabas ndi ŋwə, gə̀ nə ŋwə vɨsɨ vɨɨ ntɔŋ Yeso, nàysə tɨ́ vəŋ faŋ Sɔɔl yaa faynə jɨɨ ghɔ Yeso, Yeso gi tɨ́ ŋwə nə, baa nə faŋ ŋwə nə fɨ̀ꞌtə nu Nwi ntɨꞌ Damaskɔs buꞌ yizii Yeso ntee.

Akts 9:29

Ŋwə nə gì tɨ́ vɨɨ faŋ vəŋ gisə ghaŋ Griik nɨzi. Vɨɨ vɔ́ kəə jɨɨ maa məzwi ŋwə.

1 Kɔrintian 14:19

Faŋ ŋkə kɔlə lùu nɨniŋ, taa nshəŋtə vɨɨ Nwi, ŋkə bàw laa mə gi vənu sheꞌ tee maa ghaŋ faŋ vɨɨ taa zɔ, shɔ̀ɔ fɨ mə gi vənu ŋkaŋsə yighuŋ maa ghaŋ faŋ vɨɨ kee taa zɔ me. Mə kəə gi vənu sheꞌ maa ghaŋ ley, tɨ́ kaꞌ mə kɨ tɨsə vɨɨ shɔ.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 3:11

Faŋ nu ŋkɨə faŋ ŋkə ndɔ ndi nə, bàw dɨdɨꞌ nə, buu nu ŋkɨə faŋ ŋkə goꞌ, bàw shɔ̀ɔ yiŋkii ŋkee ghee yaŋ.

2 Kɔrintian 4:13

Zwitə Nwi yɨsə yia nuŋ fwi sia maa nu Nwi, sheꞌ faŋ ŋkə lùu taa ŋwaꞌlə Nwi laa, «Mə nùŋ fwi nyaa maa Nwi, buu kɨ fɨꞌtə nu ki.» Sheꞌ nɨniŋ, yia nùŋ fwi sia maa Kristo, buu kɨ fɨꞌtə nu ki.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

Filipi 1:14

Nu mɔ́ꞌ baa lùu laa, vaŋ-nshwi vaŋ-nsiŋ vəyaŋ, faŋ vəŋ ye laa mə lùu taa ŋii mfiŋ buꞌ Kristo nə, vəŋ tey kɨ yɨꞌtə maa Yeso ŋkee dɨdɨꞌ, baa kìi fwi yiweꞌ maa məbaa fɨꞌtə nu Nwi tɨ́ vɨɨ, gə vɨsɨ vɨsɨ, kee baa fɨfee me.

Filipi 1:20

Mə tə sɨ, kɨ kɨꞌ laa tɔ kaŋ kee ndɔ dɨɨ me, baa nə laa Nwi ndɔ yɨsə laa vɨɨ bəŋsə Kristo buꞌ mə, sheꞌ faŋ ŋwə yuu kɨ yɨsə ghee nshə. Vɨ ndɔ bəŋsə Kristo buꞌ mə, faŋ mə kɔlə kɨku, tɨꞌnə me bɨbwey.

Kɔlɔsii 4:4

Viŋ kɨ ndwaŋ Nwi laa ŋwə kwaŋ ŋkee yigisə yi shuu mə, tɨ́ kaꞌ mə kɨ gisə, vənu lùu vəley tɨ́ vɨɨ.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

1 Timoti 3:13

Vɨɨ mbɨə faŋ vəŋ faꞌ faꞌ ghɔ́ ŋwə bàw, buu vɨ biŋ vəŋ, fee vəŋ, tɨ́ kaꞌ vəŋ jìa fwi, gi ntee kɔ̀ŋ nu Yeso Kristo faŋ vəŋ nùŋsə fwisə vəŋ maa ŋwə nə.

Filemon 1:8

Nɨniŋ, mə kəə bitə nu tɨ́ ghɔ. Faŋ wutə kɔlə lùu ghɔ mə buꞌ yizii Yeso Kristo maa mənaysə nu ŋkɨə faŋ ŋkə kùꞌnə tɨ́ ghɔ, mə kee dɨdɔɔ me.