2 Kɔrintian 2:9 - Vengo (Babungo)

⁹ Ŋiꞌ nu ŋkɨə faŋ mə nə nyɔ̀ꞌ ŋwaꞌlə ghɔ́ tɨ́ viŋ, nə baa lùu laa mə nəə kəə kɨɨ laa viŋ lùu vɨɨ yinsəŋ, tɨ́ kaꞌ viŋ kɨ zɔnə maa vənu vənshə mu?

2 Kɔrintian 2:9 ပူးပေါင်းရင်းမြစ်များ

2 Kɔrintian 10:6

Yia taa kwaŋ nu tɨ̀ me nu faŋ ŋkə kee zɨzɔnə me, taa nsɔꞌ, faŋ viŋ ndɔ baa luu vɨɨ məzɔnə nə.

2 Kɔrintian 2:3

Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 2:4

Mə nə nyɔ̀ꞌ ŋwaꞌlə ghɔ́ tɨ́ viŋ nə məlaꞌ. Fwi nyaa nəə ghaysə mə. Mə nyɔꞌ ŋkee nə mənsɨ sɨ mə. Mə nəə kee kəə yɨsə laa fwi siŋ za me, luu nə, laa viŋ kɨɨ faŋ ŋkawnə nyaa maa viŋ, lwàŋ taa fwi mə.

2 Kɔrintian 2:8

Nɨniŋ, mə tɨ viŋ laa viŋ kɨ yɨ vənu vəjəəvə maa ŋwə, tɨ́ kaꞌ ŋwə kɨ̀ɨ laa viŋ kaw ŋwə.

2 Kɔrintian 8:2

Faŋ Nwi nə kɔlə mɔ̀ŋ vəŋ maa ŋɨꞌ yiyaŋ, vəŋ ŋaytə shɔ̀ɔ ki, bàytə vətɔ vəyaŋ maa məkɔ, kɔ nə fwi yimuꞌ, faŋ vəŋ kɔlə kee kìi vətɔ me.

2 Kɔrintian 8:24

Nɨniŋ, viŋ ndɨ vəŋ jəə, də̀ ŋkawnə yiŋ faŋ viŋ kaw vɨɨ nə, yɨsə laa vəməshəŋtə və vɨɨ Nwi ye laa yia nə gì yinsəŋ faŋ yia nə bə̀ŋsə viŋ tɨ́ vəŋ.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 2:22

Gə fɨ maa Timoti, viŋ kɔꞌ kɨɨ nə nshinə yi, laa nyə lùu yijəə, baa nə laa ŋwə nəə beꞌsə mə maa faꞌ Nwi, sheꞌ faŋ wee yaa kɨ bèꞌsə tii wi. Yia ŋwə fàꞌ faꞌ Nwi mɔ́ꞌ, fɨꞌtə ntɔŋ yijəə Nwi tɨ́ vɨɨ.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

Filemon 1:21

Mə nyɔ̀ꞌ nu kɔ́ tɨ́ ghɔ buꞌ laa mə nùŋ fwi nyaa maa ghɔ laa a kɨ zɔnə mə. Mə bee kii kɨ̀ɨ laa a taa yɨsə nu faŋ ŋkə shɔ̀ɔ yiŋkii.