2 Kɔrintian 2:7 - Vengo (Babungo)

⁷ Nɨniŋ, ŋkə bàw laa viŋ meꞌtə ŋwə ndwə, ndenə yibɨsə yi, kɨ boolə ŋwə, laa kɨ ŋɨꞌ shɔɔ wə ghɔ́, zɨ̀ ŋwə me.

2 Kɔrintian 2:7 ပူးပေါင်းရင်းမြစ်များ

1 Kɔrintian 15:54

Maa yighee yɔ́ faŋ yiŋwaa nyaa-nsiŋ kwiinə, gù fa faŋ kaꞌ ŋkə kee baa bɨ me, buu ŋkə ndɔ faynə nə nu ŋkɨə faŋ vɨ nə nyɔ̀ꞌ taa ŋwaꞌlə Nwi fɨshi laa, «Vɨ bɨꞌ wutə yiku. Nwi ghɔꞌ yiku, nyə mè.

2 Kɔrintian 2:8

Nɨniŋ, mə tɨ viŋ laa viŋ kɨ yɨ vənu vəjəəvə maa ŋwə, tɨ́ kaꞌ ŋwə kɨ̀ɨ laa viŋ kaw ŋwə.

2 Kɔrintian 5:4

Yighee njyə faŋ nsiŋ kɨ bii taa yiŋwaa nyaa-nsiŋ shɨ nsi nyə̀, nsiŋ sɔŋ, baa saŋ ŋwaa, buꞌ laa nsiŋ kee kàw laa vɨ bɨ sɔ̀ꞌ vəbee vaŋ-nsiŋ vɔ́, buu nsiŋ fi məbwey me. Nu ŋkɨə faŋ ŋkə bàw tɨ́ nsiŋ lùu laa vɨ fianə ndɔꞌ finə ghɔ́ sheꞌ tɔ vəbee vaŋ-nsiŋ vɔ́. Nɨniŋ laa məbwey vəlwaŋ ndɔ melə təŋwaa taŋ-nsiŋ faŋ ntə lùu fa yiku nə.

2 Kɔrintian 7:10

Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Filipi 2:27

Lùu yinsəŋ laa ŋwə nəə zɨzasə, goꞌ sheꞌ tɨtiꞌ ŋwə ku. Luu nə, Nwi nə kèe gəŋsə, yɨ̀sə ŋwə bwaŋnə. Ŋkə də̀ laa ŋwə kèe gəŋsə maa mə nɨzi, laa kɨ nu mɔ́ꞌ baa jia mə me, maa yighee njyə faŋ vənu və ŋɨꞌ bàytə kìa mə nə.

Kɔlɔsii 3:13

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.

1 Tesalonika 4:13

Vaŋ-nshwi via, yia kee kaw laa viŋ duꞌ nshi buꞌ nu vaŋ-nshwi vaŋ-nsiŋ mbɨə faŋ vəŋ kukə̀ me. Yia kəə twelə tɨ́ viŋ laa kɨ viŋ luŋ yaa vɨɨ mɔ́ꞌ faŋ vəŋ kee kɨ̀ꞌ məbwey vəlwaŋ me.

2 Tesalonika 3:6

Vaŋ-nshwi via, yia naysə tɨ́ viŋ maa yizii tɨta Yeso Kristo laa, viŋ buꞌsə fɨ ghɔ wə tɨ̀ me wə taa ŋwaa viŋ faŋ ŋwə kee kàw faꞌ me, kee kɨ toꞌ fɨ taa ntɨ njyə faŋ yia nə kɔ̀ tɨ́ viŋ nə me.