2 Kɔrintian 2:3 - Vengo (Babungo)

³ Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 2:3 ပူးပေါင်းရင်းမြစ်များ

1 Kɔrintian 4:21

Viŋ sii kəə kə? Yighee njyə faŋ mə ndɔ jwi, mə taa jwi nə mfa maa məsaŋ viŋ mu, mu viŋ taa kwiinə nshinə yiŋ, yuu mə taa kɨ jwi, mə jwi fɨ taa bwaŋnə, də̀ ŋkawnə nyaa, faŋ mə kaw viŋ shɔ nə mu?

2 Kɔrintian 1:15

Faŋ mə nùŋsə fwi nyaa maa viŋ nɨniŋ nə, mə nəə kəə jwì ye viŋ, laa viŋ baa kɨ fi nu jəə kəmɔ́ꞌ.

2 Kɔrintian 1:23

Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 12:11

Mə gisə yaa mfaw, luu nə, yɨ̀ viŋ laa mə kɨ yɨ nɨniŋ. Nə luu nu kiŋ maa məbəŋsə mə, buꞌ laa vɨɨ mbɨə faŋ viŋ tii nə vɨɨ ntɔŋ Kristo vəkwalə nə, kee bee shɔ̀ɔ mə me, faŋ mə kɔlə lùu wuu dayday.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

2 Kɔrintian 13:10

Mə nyɔ̀ꞌ nee faŋ mə kee lùu yɨ viŋ me, tɨ́ kaꞌ mə taa kɨ jwi yɨ viŋ, kee baa kìi nu maa mədə wutə kaŋ tɨ́ viŋ me. Wutə ŋkɨə faŋ Mɔꞌmbi kɔ̀ shee nə, lùu wutə maa məfianə, kee lùu wutə maa məsɔꞌ me.

2 Kɔrintian 2:9

Ŋiꞌ nu ŋkɨə faŋ mə nə nyɔ̀ꞌ ŋwaꞌlə ghɔ́ tɨ́ viŋ, nə baa lùu laa mə nəə kəə kɨɨ laa viŋ lùu vɨɨ yinsəŋ, tɨ́ kaꞌ viŋ kɨ zɔnə maa vənu vənshə mu?

2 Kɔrintian 7:12

Faŋ mə nə nyɔ̀ꞌ ŋwaꞌlə ghɔ́ tɨ́ viŋ nə, mə nə kee nyɔ̀ꞌ buꞌ wə ghɔ́ faŋ ŋwə nə gù nu maa wə mɔ́ꞌ me, kee nyɔ̀ꞌ buꞌ wə yiŋgwii faŋ vɨ nə yɨ̀ nu bwə maa ŋwə nə me. Mə nə ŋwaꞌlə sheꞌ laa ŋkə fuu ntee taa ŋwaa viŋ vɨsɨ Nwi, laa viŋ weꞌ maa nu kia. Nɨniŋ, fwi sia zutə.

2 Kɔrintian 7:16

Mə ŋaytə buꞌ laa kaꞌ mə nùŋ fwi nyaa maa viŋ maa vənu vənshə.

2 Kɔrintian 7:6

Luu nə, Nwi faŋ ŋwə yaa kɨ kɔ fwi yizutə tɨ́ vɨɨ mbɨə faŋ vɨ fiitə vəŋ nsi, baa kɔ fwi yizutə tɨ́ yia nɨzi, faŋ Titɔs nə jwì yɨ yia.

2 Kɔrintian 7:8

Faŋ ŋwaꞌlə ŋwaa wì faŋ mə nə nyɔ̀ꞌ tɨ́ viŋ nə, nə kɔlə yɨ̀ laa viŋ kii məluŋ, kaꞌ fwi nyaa kee sɔ̀ꞌ mə shɔ me. Yinsəŋ, fwi nyaa nə tey kɨ sɔꞌ mə, luu nə, mə kii məŋaytə ndwə buꞌ laa mə ye laa ŋwaꞌlə ghɔ́ yɨ̀sə viŋ luŋ maa kwitə yighee nee, buu viŋ kɨ nii kwìinə fwi siŋ.

2 Kɔrintian 8:22

Yia baa tɔ̀ŋ weenshu ŋwaa-nsiŋ mɔ́ꞌ ghɔ vəŋ, faŋ yia duꞌtə yia mɔŋ ŋwə maa vənu vəyaŋ, kɨɨ laa ŋwə wèꞌ maa faꞌ Nwi. Ŋwə weꞌ shɔ̀ɔ yighee vɨsɨ ndwə, buꞌ laa ŋwə nùŋ fwi yi maa viŋ.

Galatia 5:10

Maa yizii Nwi mə kɨɨ nə viŋ, kɨɨ laa viŋ kee ndɔ kwiinə me, laa viŋ vɨ Kristo gòꞌ fa kəmuꞌ. Luu nə, Nwi ndɔ kwaŋ wə ntɨə faŋ ŋwə bwèꞌsə viŋ nə, taa nsɔꞌ. Ŋwə kɔlə luu ndə, Nwi ndɔ kwaŋ ŋwə taa nsɔꞌ.

2 Tesalonika 3:4

Yia nùŋ fwi sia maa viŋ buꞌ tɨta Kristo laa viŋ kɨ yɨsə nu ŋkɨə faŋ yia nàysə tɨ́ viŋ nə, viŋ kɨ yɨyɨsə, taa baa kɔꞌ yɨyɨsə nɨniŋ.

Filemon 1:21

Mə nyɔ̀ꞌ nu kɔ́ tɨ́ ghɔ buꞌ laa mə nùŋ fwi nyaa maa ghɔ laa a kɨ zɔnə mə. Mə bee kii kɨ̀ɨ laa a taa yɨsə nu faŋ ŋkə shɔ̀ɔ yiŋkii.