2 Kɔrintian 2:12 - Vengo (Babungo)

¹² Yighee njyə faŋ mə nə ziꞌ Troas maa məfɨꞌtə ntɔŋ yijəə Nwi kɔ̀ŋ Yeso Kristo shɔ, Nwi nə ŋàꞌsə jɨɨ shee maa məfɨꞌtə ntɔŋ yijəə yɔ́ tɨ́ vɨɨ.

2 Kɔrintian 2:12 ပူးပေါင်းရင်းမြစ်များ

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 16:11

Nɨniŋ, vəŋ ŋii bay kwalə mɔ́ꞌ, ndɔ̀ fɨ Troas, tɔ̀ŋ mamuu, gə sheꞌ neꞌtə, gə̀ zìꞌ Samotris. Fu lee vəŋ ziꞌ Neapolis,

Akts 16:8

Nɨniŋ, vəŋ shɔɔ fɨ mbɨɨ Misia, siꞌ gə̀ ziꞌ Troas.

Akts 20:8

Təkiꞌ nə luu təyaŋ taa njɨɨ ŋii njyə faŋ yia nə baytə shɔ nə, faŋ nə luu njɨɨ ŋii yizɔ.

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

1 Kɔrintian 16:9

buꞌ laa Nwi ŋàꞌsə jɨɨ shee feenə, tɨ́ kaꞌ mə fàꞌ faꞌ Nwi ŋkee jəə. Ŋwə baa fùu jəə, faŋ vɨɨ kɔlə lùu shɔ, faŋ vəŋ kəə bɨsə faꞌ ŋwaa ghɔ́ nə.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

1 Kɔrintian 9:14

Ŋkə luu sheꞌ nɨndɨŋ nə vɨɨ mbɨə faŋ vəŋ fɨꞌtə nu Nwi. Tɨta Yeso nə shìa laa vɨ kɨ kɔ vətɔ mbɨə faŋ mbə kùꞌnə tɨ́ vəŋ, tɨ́ kaꞌ vəŋ kɨ zɨ, kii məbwey buꞌ faꞌ vəŋ.

1 Kɔrintian 9:16

Faŋ mə kɔlə fɨꞌtə yigisə Nwi tɨ́ vɨɨ nə, mə kee kìi nu tɨ́ kaꞌ mə kɨ buꞌ dɨŋ ŋwaa shɔ me. Nə kɔ Nwi kɔ̀ faꞌ ghɔ́ shee. Kaꞌ mə kee mèꞌtə me. Kɨ luu laa mə nə kee fɨꞌtə nu Nwi tɨ́ vɨɨ me, buu ŋkə taa luu ŋkee kəbwə shee.

2 Kɔrintian 10:14

Nɨniŋ, yia kee lùu vɨɨ faŋ yia suŋtə yiŋwaa yia, kee zìꞌ yɨ viŋ me; yia nə zìꞌ yɨ viŋ nə ntɔŋ yijəə Nwi kɔ̀ŋ Yeso Kristo.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

2 Kɔrintian 11:7

Mə nə kee bìtə fa fɨ ghɔ viŋ me, faŋ mə nəə fɨꞌtə ntɔŋ yijəə Nwi tɨ́ viŋ me. Mə nə bwàsə ŋwaa ŋwaa nsi maa məyɨsə laa viŋ luu ŋkee vɨɨ. Nə luu nu gù mu?

2 Kɔrintian 4:3

Kɨ luu laa ntɔŋ yijəə Nwi, faŋ yia fɨꞌtə tɨ́ vɨɨ nə, kee yiley tɨ́ vɨɨ mɔ́ꞌ me, buu lùu tɨ́ vɨɨ mbɨə faŋ vəŋ ndɔ ndi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 8:18

Yia tɔ̀ŋ Titɔs, baa kɨ tɔŋ weenshu ŋwaa-nsiŋ mɔ́ꞌ ghɔ ŋwə, faŋ yizii yi gə dɨdɨꞌ taa ndɔꞌ Nwi maa məfɨꞌtə ntɔŋ yijəə Nwi.

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,