2 Kɔrintian 2:11 - Vengo (Babungo)

¹¹ Nsiŋ yɨ nɨniŋ laa kɨ Satan, tɨɨ vəzwitə vəbwəvə, kee kɨ bweꞌsə nsiŋ me. Maa nsiŋ kɔꞌ kɨɨ nə ŋkɨɨ yi.

2 Kɔrintian 2:11 ပူးပေါင်းရင်းမြစ်များ

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Lukas 22:31

Yeso kɨ nii gì tɨ́ Pita laa, «Saymon, Saymon, tɨɨ vəzwitə vəbwəvə kəə mɔŋ viŋ, sheꞌ yaa wə faŋ ŋwə səə bee, fuusə vəghɔ fɨ taa tey yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:2

Vəŋ kii zɨ fa laynəfu, tɨ́ tɨɨ vəzwitə vəbwəvə yaa duꞌtə ŋwə kwaŋ nu bwə taa fwi Judas, wee Saymon Iskariot, laa ŋwə fiŋ Yeso.

Akts 1:25

tɨ́ kɨ kaꞌ ŋwə ndì shəŋ faꞌ ŋkɨə yaa wuu ntɔŋ Yeso, faŋ Judas nə mèꞌtə maa məgə maa ŋkii shəŋ faŋ ŋkə kùꞌnə tɨ́ ŋwə.»

1 Kɔrintian 7:5

Nɨniŋ ghɔ́, kɨ wəndɔŋ ghɔ wəzwi twey nu liŋ wi me, maa tɨ̀ lɨꞌ laa vəŋ vənshə biŋ laa vəŋ taa gaasə yiŋwaa maa wee-fɨ-yighee maa məshɔꞌtə Nwi me. Yighee yɔ́ taa shɔɔ, bàw vəŋ baa faynə, tɨ́ kaꞌ zwitə bwə Satan kee kìi wutə, ŋii taa ŋwaa vəŋ nə məmɔŋ, kɨ yɨ laa vəŋ gu, buꞌ laa vəŋ kee kɨɨ sɔꞌ yiŋwaa yivəŋ me.

2 Kɔrintian 11:14

Nu kɔ́ kee lùu nu shuu yɔŋ me, buꞌ laa nshɨ-tɔ Satan kwìinə ŋwaa wi laa ŋwə kəꞌ yuu nshiiŋii Nwi.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 2:24

Gə fɨ maa viŋ, bətə vɨɨ fɨ shɨ Tiateyra, faŋ viŋ kee bìŋ nu kɔ́ me, mə kee taa kɔ ntɨ yiday tɨ́ viŋ me, buꞌ laa viŋ kee kɨ̀ɨ nə ŋiꞌ nu njyoꞌ Satan kɔ́ me, faŋ vɨɨ mbii-wə gisə laa vəŋ kɨɨ nə ŋiꞌ nu nə.