2 Kɔrintian 2:10 - Vengo (Babungo)

¹⁰ Viŋ kɨ luu kɨ ndenə yibɨsə wə, buu mə taa ndenə yibɨsə yi nɨzi. Kɨ luu laa nu mɔ́ꞌ lùu shɔ, faŋ ŋkə nə bàw laa mə ndenə ŋkə, buu mə ndènə buꞌ viŋ sɨ Kristo.

2 Kɔrintian 2:10 ပူးပေါင်းရင်းမြစ်များ

Matiu 18:18

Viŋ zɔ! Mə naysə tɨ́ viŋ yinsəŋ laa, «Nu ŋkɨə faŋ viŋ ka shɨ nsi, buu vɨ ndɔ ka ŋkə yizɔ nɨzi. Nu ŋkɨə faŋ viŋ zetə shɨ nsi, buu vɨ ndɔ zetə yizɔ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:23

Kɨ luu viŋ ndɔ ndenə yibɨsə wə mɔ́ꞌ, buu Nwi taa ndenə yibɨsə wə ghɔ́ nɨzi. Gə̀ fɨ maa wə ntɨə faŋ viŋ kee ndènə yibɨsə yi me, yibɨsə yi yɔ́ goꞌ tɔ ŋwə.

1 Kɔrintian 5:4

Nu ŋkɨə tɨ́ kaꞌ viŋ yɨ̀, lùu laa viŋ shəŋtə shəŋ muꞌ maa yizii Yeso Kristo. Zwitə kaŋ taa lùu taa ŋwaa viŋ nɨzi. Viŋ ndɨ wutə fɨ ghɔ tɨta Yeso,

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.