2 Kɔrintian 13:7 - Vengo (Babungo)

⁷ Yia buꞌ ghɔ tɨ́ Nwi laa kɨ viŋ yɨ tuu nu bwə me. Kɨ mə kee gì nɨniŋ, tɨ́ kaꞌ yia ndɔ fuu yaa vɨɨ faꞌ jəə tɨ́ Nwi me. Mə kəə sheꞌ laa viŋ yɨ nu ŋkɨə faŋ ŋkə lùu kəloomə, faŋ ŋkə kɔlə ghɨɨ yaa yia gù nu.

2 Kɔrintian 13:7 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:15

Mə kee buꞌ ghɔ tɨ́ ghɔ laa a baꞌsə vəŋ fɨ taa mbi me. Mə buꞌ ghɔ tɨ́ ghɔ laa a kɨ shiinə vəŋ fɨ ghɔ nu bwə, nə fɨ ghɔ tɨɨ vəzwitə vəbwəvə.

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 12:17

Kɨ viŋ kɨ bəŋsə nu bwə tɨ́ wə nə bwə me, lumə sheꞌ maa məyɨ nu jəə sɨ vɨɨ vənshə.

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

Roma 16:10

Shɔꞌtə Apeles, faŋ ŋwə wèꞌ maa nu Kristo nə. Shɔꞌtə vɨɨ fɨ fu Aristɔbulɔs,

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 10:18

Wə kee kuꞌnə, buꞌ laa suŋtə nshɨ-tɔ wi suŋtə ŋwaa wi me. Wə yaa kɨ kuꞌnə sheꞌ faŋ sùŋ Mɔꞌmbi sùŋtə ŋwə.

2 Kɔrintian 13:6

Mə bɨꞌtə laa viŋ taa kɨɨ laa yia kee bee gù nu me.

2 Kɔrintian 13:8

Kɨ kaꞌ yia kee yɨ̀ nu faŋ ŋkə fə̀ŋ nu yinsəŋ me. Kaꞌ yia yɨsə sheꞌ nu yinsəŋ.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 8:21

Yia kəə yɨsə nu faŋ ŋkə bàw, kee bàw sheꞌ yikəꞌ Mɔꞌmbi me, yia kəə laa ŋkə bàw sɨ vɨɨ nɨzi.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Timoti 2:2

Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

2 Timoti 2:15

Kɨ tɔfə maa məduꞌ yikəꞌ Nwi yaa wə faŋ ŋwə kùꞌnə maa faꞌ wi. Faꞌ faꞌ Nwi tɨ́ kaꞌ tɔ kə kee ndɔ dɨɨ shɔ me. Kɨ fɨꞌtə nu yinsəŋ Nwi tɨ́ vɨɨ ŋkee ley ley.

2 Timoti 4:18

Tɨta Yeso Kristo ndɔ baa kɨ fuusə mə fɨ taa vənu vəbwəvə vənshə faŋ vɨ kəə yɨsə maa mə, bwèysə mə, nùŋ mə maa nu yifwàŋ ki yizɔ. Bàw nsiŋ kɨ bəŋsə ŋwə ghee nshə, kee shia ki me. Ŋkə goꞌsə nɨniŋ.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.