2 Kɔrintian 13:5 - Vengo (Babungo)

⁵ Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

2 Kɔrintian 13:5 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:4

Bàw viŋ goꞌ taa ŋwaa mə, mə baa luu gòꞌ taa ŋwaa viŋ. Kaꞌ ntaŋ kee kwàanə vətaŋ me, tɨ̀ lɨꞌ laa ntaŋ ghɔ́ lùu mbɨɨ tɨ me. Sheꞌ nee, viŋ kee lùu taa ŋwaa mə me, buu kaꞌ viŋ kee kɨ kwaanə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:26

Mə nə yɨsə vəŋ kɨɨ nə yizii yə; mə ndɔ baa kɨ twelə nu yizii yə tɨ́ vəŋ. Nɨniŋ, ŋkawnə yə faŋ a nə kàw mə nə, lùu taa fwisə vəŋ; nshɨ-tɔ ŋwaa lùu taa fwisə vəŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:56

Wə tɨ̀ me wə faŋ ŋwə kwə mbasə ŋwaa ŋwaa, nù mənshi maa, buu ŋwə gòꞌsə yia ŋwə yighee muꞌ; mə gòꞌsə taa fwi ŋwə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:6

Ŋwə nə gì nɨniŋ maa məmɔŋ Filip. Nshɨ-tɔ Yeso nəə kɔꞌ kɨɨ nə nu ŋkɨə faŋ ŋwə taa yɨ̀.

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 8:10

Kɨ luu laa Kristo lùu taa fwisə viŋ, buu yiŋwaa yiŋ lùu fa faŋ ŋkə ndɔ ndi, buꞌ vənu vəbwəvə mbɨə faŋ mbə lùu taa tey yi nə. Luu nə, zwitə kiŋ lùu fa faŋ ŋkə lùu kəbwey ghee nshə, buꞌ laa Nwi kìasə nu kiŋ, ŋkə lùu kəloomə.

1 Kɔrintian 11:28

Nɨniŋ, wə tɨ̀ me wə faŋ ŋwə gì laa yi taa zɨ fazɨ Mbɔŋ, ndɔ nù məluꞌ mə tɨta Kristo, bàw ŋwə bɨ fɔŋ ndèynə ŋwaa wi, buu zɨ fazɨ kɔ́.

1 Kɔrintian 11:31

Nsiŋ kɨ luu ndeynə yiŋwaa nyaa-nsiŋ faŋ nsiŋ dùꞌ, buu zɨ fazɨ kɔ́, buu nsiŋ kee baa gù nsɔꞌ Nwi me.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 6:15

Maa viŋ yikɨɨ laa yiŋwaa yiŋ lùu fɨ maa way ŋwaa Yeso Kristo. Kaꞌ wə kee ndɨ̀ way ŋwaa Kristo ghɔ́, gə̀ fàynə ghɔ wəzwi sakə, ŋwaa wi kɨ nii gù way ŋwaa wəzwi sakə me. Kaꞌ wə kee yɨ̀ kəŋ nu ghɔ́ me.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

1 Kɔrintian 6:2

Viŋ kee yikɨɨ laa ndɔ sɔꞌ vɨɨ Nwi sɔꞌ nsɔꞌsə vɨɨ fɨ taa mbi maa yighee yifwàŋ Nwi yimu? Faŋ ŋkə lùu nɨniŋ, faŋ shi mɔ́ꞌ ndɔ kɨ jwi, viŋ sɔꞌ nsɔꞌsə vɨɨ fɨ taa mbi nə, sii yɨ̀ kə laa kaꞌ viŋ kee sɔ̀ꞌ vaŋ-nsɔꞌsə fɨ taa ŋwaa viŋ ndwə me?

1 Kɔrintian 9:24

Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

1 Kɔrintian 9:27

Mə saŋ ŋwaa ŋwaa, tɨ́ kaꞌ mə sɔ̀ꞌ ŋwaa ŋwaa maa vənu vənshə, laa mə faŋ mə fɨꞌtə nu Nwi tɨ́ vɨɨ nə, kee gu jɨɨ me.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

Galatia 6:4

Bàw wə nə wə kɨ mɔŋ sheꞌ ŋgwinə faꞌ faŋ ŋwə faꞌ, laa ŋwə lùu jəə mu? Ŋwə taa luu jəə, buu ŋwə taa ŋaytə maa faꞌ ŋgwə faŋ ŋwə faꞌ. Luu nə, bàw ŋwə yɨ nɨniŋ sheꞌ ŋgɨɨ-ŋwə, kee kɨ fɨꞌ maa nu wə dɨday me,

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

2 Timoti 3:8

Vɨɨ vɔ́ faŋ vəŋ bweꞌsə vəki nə, lùu yaa Janis nə Jambris, faŋ vəŋ nə twèy nu Mose fɨshi nə. Vəŋ twey nu yinsəŋ Nwi sheꞌ nɨniŋ, buꞌ faŋ vəŋ lùu vɨɨ faŋ yitɔ vəŋ ndì. Vəŋ kee kùꞌnə maa mənuŋ fwi vəŋ maa Kristo me.

Taytəs 1:13

Yigi yɔ́ luu ŋkee yinsəŋ. Nɨniŋ, bàw a kɨ gi tɨ́ vəŋ ŋkee nə wutə, laa vəŋ kɨ duꞌ nə nu ŋkɨə faŋ vəŋ nùŋ fwisə vəŋ shɔ maa Kristo,

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Hibru 4:1

Nwi nə kɔ̀ꞌnə tɨ́ vɨɨ laa vəŋ ndɔ ŋii maa shəŋ jəə ki faŋ kaꞌ vəŋ shə̀ŋ ŋwaa shɔ. Maa ŋkɔꞌnə yɔ́ kee ta yifaynə me; nyə lùu tɨ́ nsiŋ. Nɨniŋ, bàw nsiŋ kɨ faꞌ nə məfee, laa kɨ wə fɨ wiŋ kee ndɔ ndi me.

Hibru 6:8

Kɨ luu nə ta sheꞌ təndɨꞌ nə nyawsə fɨ taa nsi yɔ́, buu nsi yɔ́ kee kii ŋgaŋtə me. Yighee luu nshənə vɨ ndɔ twaŋ yindɨɨ yɔ́. (Lùu faŋ Nwi taa yɨsə nə vɨɨ mətwey nu ki.)

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

1 Pita 5:9

Viŋ tɨŋ weꞌ maa mənywenə ŋwə. Məbiŋ wiŋ weꞌ! Viŋ kɔꞌ kɨɨ laa vaŋ-nshwi viŋ faŋ vəŋ bìŋ Nwi fɨ taa mbi yinshə, kɨ ye ŋɨꞌ sheꞌ nɨndɨŋ.

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.