2 Kɔrintian 12:9 - Vengo (Babungo)

⁹ Luu nə, Nwi bəŋsə shee laa, bàw mə ŋaytə sheꞌ buꞌ gəŋ si, faŋ yi gàŋtə mə shɔ nə, buꞌ laa wutə ki wèꞌ taa ŋwaa wə ntɨə faŋ ŋwə bɨbwa. Nɨniŋ, mə koꞌsə ŋwaa sheꞌ maa bəə ŋay kaŋ, tɨ́ kaꞌ wutə Kristo ŋìi taa ŋwaa mə, shìinə mə.

2 Kɔrintian 12:9 ပူးပေါင်းရင်းမြစ်များ

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 2:3

Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 2:5

Nɨniŋ laa kɨ viŋ nuŋ fwi siŋ maa nu Nwi buꞌ yitɔfə wə mənsaw me. Luu sheꞌ buꞌ wutə Nwi laa viŋ biŋ ŋwə.

2 Kɔrintian 11:30

Kɨ ghaŋ mə nə koꞌsə ŋwaa, buu mə koꞌsə maa vənu və lɨloo.

2 Kɔrintian 12:1

Mə taa kɨ koꞌsə ŋwaa, faŋ ŋkə kɔlə kee lùu nu tɨ́ kaꞌ wə sèy fɨ fuŋ me, mə kəə gi kɔ̀ŋ vənu faŋ Mɔꞌmbi nə yɨ̀sə mbə fuu sɨ mə.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Kɔrintian 12:5

Nɨniŋ, mə taa kɨ koꞌsə ŋwaa buꞌ kəŋ wə ghɔ́, faŋ ŋwə nə yè vənu vɔ́ nə. Luu nə, mə kee taa koꞌsə ŋwaa buꞌ ŋwaa ŋwaa me, tɨ̀ lɨꞌ vənu mbɨə faŋ mbə də məbwa ŋwaa me.

Efesɔs 3:16

Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

Hibru 11:34

Vəŋ nə ŋìi taa wisə biinə, nu kee kɔ̀ŋ vəŋ me. Vəŋ nə baa nyɨ̀ŋkə fɨ ghɔ yighaw. Nwi nə kɔ̀ wutə tɨ́ vəŋ faŋ vəŋ nəə bɨbwa. Vəŋ nə gù vɨɨ yighaw weꞌnə, jɔ̀ŋ məshɨ mə tɔŋ məmɔ́ꞌ, vəŋ nyɨŋkə.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.