2 Kɔrintian 12:20 - Vengo (Babungo)

²⁰ Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

2 Kɔrintian 12:20 ပူးပေါင်းရင်းမြစ်များ

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 1:30

nə məsɨɨ ba tɔ wə, nə məbee Nwi, nə məndasə Nwi, nə məkoꞌsə ŋwaa, nə məkii shuu yaŋnə. Vəŋ bɨꞌtə jɨɨsə səyaŋ maa məyɨ nu bwə, kee zɔnə vətɨɨ vəvəŋ me.

Roma 2:8

Gə fɨ maa vɨɨ mbɨə faŋ vəŋ bɨꞌtə sheꞌ vənu və ŋwaa vəŋ, twey nu yinsəŋ Nwi, beꞌsə nu faŋ ŋkə kee lùu kəloomə me, fwi Nwi shə maa vəŋ ŋkee dɨdɨꞌ.

1 Kɔrintian 1:11

Vaŋ-nshwi vaŋ, mə gì nɨniŋ, buꞌ laa vɨɨ ŋiinə Kloe nàysə shee laa vɨɨ mɔ́ꞌ fɨ taa ŋwaa viŋ tay ntaysə.

1 Kɔrintian 14:33

Lùu nɨniŋ buꞌ laa nu məbuulə vənu kee bàw tɨ́ Nwi me. Ŋkə bàw tɨ́ Nwi faŋ nsiŋ toꞌ nə məduꞌ-nyɔŋ fɨ taa nshəŋtə vɨɨ Nwi yinshə.

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

2 Kɔrintian 1:23

Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 10:2

Nɨniŋ, mə buꞌ ghɔ tɨ́ viŋ laa viŋ yɨsə laa, yighee njyə faŋ mə ndɔ jwi yɨ viŋ, fwi nyaa kee baa shə maa viŋ me. Mə kɔꞌ kɨɨ laa kaꞌ fwi nyaa wèꞌ maa vɨɨ mbɨə faŋ vəŋ gisə laa yia yɨsə vənu maa ŋkitə mbi.

2 Kɔrintian 10:6

Yia taa kwaŋ nu tɨ̀ me nu faŋ ŋkə kee zɨzɔnə me, taa nsɔꞌ, faŋ viŋ ndɔ baa luu vɨɨ məzɔnə nə.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

2 Kɔrintian 13:2

Maa yighee njyə faŋ nsiŋ nə luu mɔ́ꞌ maa ghuu yitoꞌ kaŋ lwesə ghee bɔɔ, mə yaa duꞌtə mə gi tɨ́ vɨɨ mbɨə faŋ vəŋ nəə yɨsə vənu vəbwəvə yighee vɨsɨ nə, nə tɨ́ vɨɨ vənshə, laa mə ndɔ baa bəŋ jwi, kee baa kɨ gay buꞌ nu bwə wə mɔ́ꞌ me. Mə baa bəŋsə gì ndwə, faŋ mə kɨ bii ntaŋ nə, laa ŋkə ndɔ luu nɨniŋ.

2 Kɔrintian 2:1

Mə nə gì fɨ taa fwi mə laa kɨ mə taa baa jwi yɨ viŋ, məluŋ fuu fuŋ me.

Galatia 5:15

Sii yɨ̀ kə viŋ yɨsə vənu yaa nyaasə taa gay faŋ nsə ndɔŋmə vəliŋ vəvəŋ, baa kɔ̀ vəndɨə maa vəliŋ vəvəŋ? Viŋ kɨ luu kɨ yɨsə nɨniŋ, buu viŋ taa bɨsə yiŋwaa yiŋ yinshə.

Galatia 5:26

Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

Ŋwaꞌlə Jud 1:16

Vɨɨ vɔ́ lɨlulə ghee nshə, gisə laa vənu vənshə bɨ̀ tɨ́ vəŋ. Vəŋ lulə nɨniŋ, yɨsə sheꞌ vənu mbɨə faŋ yiŋwaa vəŋ kàw. Vəŋ koꞌsə yiŋwaa, baa gìsə yigi yisɨꞌsə maa məbweꞌsə vɨɨ laa vəŋ kɨ yɨsə nu ŋkɨə faŋ vəŋ kàw.