2 Kɔrintian 12:14 - Vengo (Babungo)

¹⁴ Viŋ zɔ! Mə duꞌtə mə lootə ŋwaa maa məjwi yè viŋ lwesə ghee tia. Mə taa kɨ jwi, mə taa kee bitə fa fɨ ghɔ viŋ me. Mə kəə luu viŋ, kee kəə ka wiŋ me. Luu sheꞌ faŋ tɨɨ vaŋmbwaa yaa kɨ baytə ka maa məzəsə vaŋ vi. Kee yaa kɨ baytə vaŋmbwaa baytə ka maa məzəsə tɨɨ vəŋ me.

2 Kɔrintian 12:14 ပူးပေါင်းရင်းမြစ်များ

Akts 20:33

Mə nə luu taa ŋwaa viŋ, kee kəə ka wə me, kee fì njwi wə me.

1 Kɔrintian 10:24

Bàw wə kɨ faꞌ maa jɨɨ njyə faŋ nyə taa gaŋtə vɨɨ mɔ́ꞌ. Kɨ ŋwə kɨ yɨsə vənu faŋ mbə taa gaŋtə sheꞌ ŋwə me.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 11:34

Jɨŋ kɨ luu kɨ zasə wə mɔ́ꞌ, bàw ŋwə bɨ zɨ̀ fazɨ taa ŋii ŋwə ŋkəə, buu jwì, tɨ́ kaꞌ məshəŋtə wiŋ kee lùu maa jɨɨ njyə faŋ kaꞌ Nwi kwàŋ viŋ taa nsɔꞌ me. Gə fɨ maa vənu vəmɔ́ꞌ, mə taa tɨ viŋ shɔ faŋ mə taa jwi yɨ viŋ.

1 Kɔrintian 16:5

Mə bɨꞌtə laa mə taa toꞌ fɨ kwiŋ Makedonia, kee bɨ̀sə yighee shɔ me, ndɔ̀ fɨ fuŋ, jwì yɨ viŋ, ndèynə viŋ.

1 Kɔrintian 4:19

Kɨ ghaŋ Nwi biŋ, buu fɨkɨꞌ nee, mə jwi yɨ viŋ, tɨ́ kaꞌ mə ndɔ kɨɨ nə wutə ŋkɨə faŋ vɨɨ məkoꞌsə ŋwaa vɔ́ kìi, kee baa kɨɨ sheꞌ yigisə vəŋ me.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

1 Kɔrintian 9:18

Mə sii yè sey fə ndwə? Sey ŋwaa lùu laa mə kɨ fɨꞌtə nu Nwi tɨ́ vɨɨ dayday, laa mə kee kɨ bitə fa ŋkɨə faŋ ŋkə kùꞌnə shee fɨ ghɔ vɨɨ me.

1 Kɔrintian 9:19

Mə lùu wə faŋ mə toꞌ fɨ tɔ mə, wə kee sɔꞌ mə me. Luu nə, faŋ ŋkə kɔlə lùu nɨniŋ, mə gù buꞌ tɨ́ vɨɨ vənshə, tɨ́ kaꞌ mə yɨ̀sə laa vɨɨ vəyaŋ jwi bèꞌsə Yeso Kristo.

2 Kɔrintian 1:15

Faŋ mə nùŋsə fwi nyaa maa viŋ nɨniŋ nə, mə nəə kəə jwì ye viŋ, laa viŋ baa kɨ fi nu jəə kəmɔ́ꞌ.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 12:13

Nu mɔ́ꞌ lùu shɔ faŋ vɨ nə gaŋtə nshəŋtə vɨɨ Nwi mɔ́ꞌ, faŋ mə kee baa gàŋtə viŋ shɔ yimu? Kaꞌ luu sheꞌ nu kəmuꞌ laa, mə nə kee fì fa fɨ ghɔ viŋ me. Bàw viŋ ndenə nu yiŋkii.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Filipi 4:17

Kɨ mə kee tə̀ sɨ maa vətɔ mbɨə faŋ viŋ tɔŋ shee nə mə. Nu ŋkɨə faŋ ŋkə lùu kəkwalə, lùu laa mə yè fɨ fuŋ laa viŋ nùŋ fwi siŋ maa nu Nwi, gə nə vɨsɨ. Lùu ŋiꞌ nu ŋkɨə faŋ mə kìi məŋaytə, buꞌ faŋ viŋ kuꞌsə vənu vəjəəvə viŋ, tɨ́ kaꞌ Nwi ndɔ key viŋ shɔ nə.

1 Tesalonika 2:11

Viŋ kɔꞌ kɨɨ laa yia nəə yɨ nu maa wə nə muꞌ nə muꞌ fɨ wiŋ sheꞌ faŋ tɨɨ wee yaa kɨ yɨsə maa ŋwiŋ wi.

1 Tesalonika 2:8

Buꞌ ŋkawnə yia maa viŋ, yia nə kee kaw sheꞌ laa yia fɨꞌtə ntɔŋ yijəə Nwi tɨ́ viŋ me. Yia nə bee kii kɔ̀ yiŋwaa yia tɨ́ viŋ, buꞌ faŋ yia kaw viŋ dɨdɨꞌ.