2 Kɔrintian 12:10 - Vengo (Babungo)

¹⁰ Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 12:10 ပူးပေါင်းရင်းမြစ်များ

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 5:3

Faŋ nsiŋ boꞌ ŋwaa nɨniŋ, kaꞌ nsiŋ kɨ boꞌ ŋwaa ŋkee taa ŋɨꞌ, buꞌ laa nsiŋ kɔꞌ kɨɨ laa ŋɨꞌ yɔ́ yɨsə nsiŋ zwetə maa məjia fwi saŋ-nsiŋ.

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

2 Kɔrintian 1:4

Nwi boolə yia maa ŋɨꞌ yia yinshə, tɨ́ kaꞌ yia baa luu boolə vɨɨ mbɨə faŋ vəŋ lùu taa ŋɨꞌ nɨzi. Yia boolə vəŋ sheꞌ nə məboolə ŋgwə faŋ nshɨ-tɔ Nwi bòolə yia shɔ nə.

2 Kɔrintian 10:18

Wə kee kuꞌnə, buꞌ laa suŋtə nshɨ-tɔ wi suŋtə ŋwaa wi me. Wə yaa kɨ kuꞌnə sheꞌ faŋ sùŋ Mɔꞌmbi sùŋtə ŋwə.

2 Kɔrintian 12:9

Luu nə, Nwi bəŋsə shee laa, bàw mə ŋaytə sheꞌ buꞌ gəŋ si, faŋ yi gàŋtə mə shɔ nə, buꞌ laa wutə ki wèꞌ taa ŋwaa wə ntɨə faŋ ŋwə bɨbwa. Nɨniŋ, mə koꞌsə ŋwaa sheꞌ maa bəə ŋay kaŋ, tɨ́ kaꞌ wutə Kristo ŋìi taa ŋwaa mə, shìinə mə.

2 Kɔrintian 13:4

Vɨ nə kɨ bey ŋwə fuu fəŋkɔꞌ fə ŋkɨꞌsə, tɨ́ ŋwə bwa. Luu nə, ŋwə baa bwey buꞌ wutə Nwi. Luu sheꞌ faŋ yia toꞌ nɨniŋ nɨzi: yia bəə ŋay fɨ yiba ŋwə, luu nə, yia ndɔ bwey taa ŋwaa viŋ, yia ŋwə, wèꞌ tɨ́ viŋ buꞌ wutə Nwi kɔ́.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

2 Kɔrintian 4:5

Nu ŋkɨə faŋ yia fɨꞌtə, kee bee lùu nu kia me, lùu ŋkə tɨta Yeso Kristo. Yia lùu vɨɨ faꞌ viŋ buꞌ Yeso.

2 Kɔrintian 5:15

Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

Efesɔs 6:10

Nu məndwə lùu laa, viŋ weꞌ maa nu Nwi nə maa wutə məkwalə ki.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

Reveleyshən 2:3

Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.