2 Kɔrintian 11:9 - Vengo (Babungo)

⁹ Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 11:9 ပူးပေါင်းရင်းမြစ်များ

Akts 18:3

kɨ nii gòꞌ ghɔ vɨ vəŋ, buꞌ laa vəfaꞌ vəvəŋ nə luu maa məba njwisə vəbèe, faŋ nə luu jɨɨ ŋkəə Pɔɔl nɨzi. Nɨniŋ, Pɔɔl shi taa ŋii vəŋ, ghɔ vɨ vəŋ faꞌ mɔ́ꞌ.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 20:33

Mə nə luu taa ŋwaa viŋ, kee kəə ka wə me, kee fì njwi wə me.

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

1 Kɔrintian 16:17

Mə ŋàytə ŋkee dɨdɨꞌ buꞌ laa Stefanas nə Fɔrtunatɔs nə Akaykɔs jwì yɨ mə feenə. Faŋ mə nə ye vəŋ nə, ŋkə ghɨɨ yaa mə yè viŋ nɨzi.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 9:12

Viŋ kɔꞌ kɨɨ laa ŋiꞌ faꞌ ŋgwə faŋ nsiŋ faꞌ maa məgaŋtə vɨɨ nə, kee luu sheꞌ nu məkɔ vətɔ mbɨə faŋ mbə bəə fɨ ghɔ vɨɨ ley Nwi nə me. Ŋwə ndɔ yɨsə nu faŋ ŋkə shɔ̀ɔ yiŋkii, nu kɔ́ lùu laa vɨɨ vəyaŋ ndɔ kɨ bwaŋ Nwi shɔ.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

1 Tesalonika 2:6

Yia nə kee kəə laa viŋ, tɨꞌnə me vɨɨ mɔ́ꞌ, kɨ bəŋsə yia me,

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

Hibru 11:37

Vɨɨ mɔ́ꞌ nə luu shɔ faŋ vɨ nəə tumə vəŋ nə ŋoꞌsə, vəŋ kukə. Vɨɨ mɔ́ꞌ nə luu shɔ faŋ vɨ nə shètə vəŋ vəkwi vəbɔɔ. Vɨɨ mɔ́ꞌ shɔ faŋ vɨ nə zwìlə vəŋ nə vəbaꞌ. Vɨɨ mɔ́ꞌ nə tòꞌ yaa mbəəsə, shuŋ sheꞌ gɔsə bisə, vɨ kɔ ŋɨꞌ tɨ́ vəŋ dɨdɨꞌ vəshəŋ vəshəŋ, jɨŋ baa zasə vəŋ.