2 Kɔrintian 11:20 - Vengo (Babungo)

²⁰ Maa viŋ bìŋ faŋ wə mɔ́ꞌ ndɨ̀ viŋ yaa vəbuꞌ vi, tɨꞌnə me kùŋ viŋ, tɨꞌnə me jìa viŋ, tɨꞌnə me kɔ̀ꞌsə viŋ, tɨꞌnə me sàŋ viŋ.

2 Kɔrintian 11:20 ပူးပေါင်းရင်းမြစ်များ

Mark 12:40

Viŋ kɔꞌ kɨɨ laa, vəŋ zɨ vətɔ və vəki ŋkusə, shɔꞌtə Nwi nə təgi təyaŋ təyaŋ, tay dɨdɨꞌ maa məboꞌ sɨ vɨɨ. Nsɔꞌ njyə faŋ Nwi ndɔ kwaŋ maa vəŋ ndɔ shɔɔ ki.»

Lukas 6:29

Wə kɨ luu sàŋ yifəə yə, bàw a kiasə yimɔ́ꞌ, tɨ́ kaꞌ ŋwə baa saŋ. Kɨ luu wə fi njwi yə yindiŋ, kaa ŋwiŋ ŋwə nə njwi yimɔ́ꞌ me.

1 Kɔrintian 4:11

Jwi kɔ tɔ və-ndee, jɨŋ zasə yia, twey muu ywey yia, yia shuŋ vəkɔɔ və njwisə. Vɨɨ kɔ ŋɨꞌ tɨ́ yia. Yia kee kìi shəŋ shi me.

2 Kɔrintian 1:24

Kɨ ŋkə kee lùu laa yia kɨ sɔꞌ nsɔꞌ tɔ viŋ buꞌ məbiŋ wiŋ, faŋ viŋ nùŋsə fwi siŋ maa Kristo me. Yia bee kii lùu vɨɨ məgaŋtə viŋ laa viŋ kii məŋaytə, buꞌ laa viŋ duꞌtə viŋ nuŋsə fwi siŋ maa Kristo, gòꞌsə shɔ.

2 Kɔrintian 10:5

suꞌsə mbɨɨsə ŋii sənshə faŋ nsə fə̀ŋ nu məkɨɨ nə Nwi. Yia ndɔ jia mbɨꞌtə vɨɨ yinshə, yɨ̀sə nyə zɔnə Kristo.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

2 Kɔrintian 12:16

Nɨniŋ, viŋ biŋ laa mə nəə kee kɔ ŋɨꞌ tɨ́ viŋ me, luu nə, wə mɔ́ꞌ taa gi laa mə nəə kɔꞌsə viŋ nə nu mənay.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 4:25

Sheꞌ faŋ Hagar lùu maa məkee mbɨə faŋ vɨɨ nə gwìa fuu baŋ Sinai shɨ Areybia, ŋwə baa kɨ luu maa yizii Jerusalem ndee, buꞌ laa vɨɨ Jerusalem nɨzi lùu vəbuꞌ tɨ́ ntɨsə nsɨə faŋ Nwi nə kɔ̀ tɨ́ vɨɨ Jus nə.

Galatia 4:3

Luu sheꞌ nɨndɨŋ tɨ́ nsiŋ nɨzi, yighee vɨsɨ wutə shɨ nsi nəə sɔꞌ nsiŋ, faŋ ŋkɔꞌnə Nwi yɔ́ nə kee ta fùu ntee me. Nsiŋ nə luu vəbuꞌ tɨ́ vəwutə vɔ́.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 5:10

Maa yizii Nwi mə kɨɨ nə viŋ, kɨɨ laa viŋ kee ndɔ kwiinə me, laa viŋ vɨ Kristo gòꞌ fa kəmuꞌ. Luu nə, Nwi ndɔ kwaŋ wə ntɨə faŋ ŋwə bwèꞌsə viŋ nə, taa nsɔꞌ. Ŋwə kɔlə luu ndə, Nwi ndɔ kwaŋ ŋwə taa nsɔꞌ.

Galatia 6:12

Viŋ kɔꞌ kɨɨ laa vɨɨ mbɨə faŋ vəŋ dɔ̀ɔ laa vɨ sɨɨtə viŋ nə, lùu vɨɨ faŋ vəŋ kəə laa vɨɨ kaw vəŋ, biŋ vəŋ. Vəŋ kəə laa vɨ sɨɨtə viŋ sheꞌ maa məyɨ jəə sɨ vɨɨ Jus, laa kɨ vɨ kɔ ŋɨꞌ tɨ́ vəŋ buꞌ ntɔŋ yijəə Nwi kɔ̀ŋ fəŋkɔꞌ fə ŋkɨꞌsə fə Kristo me.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Tesalonika 2:5

Viŋ kɔꞌ kɨɨ laa yia nə kee ta gì yigisə bəŋ tɨ́ viŋ tuu yighee muꞌ me, tɨꞌnə me gì yigi yimɔ́ꞌ maa məshitə viŋ shɔ, maa məkəə ka fɨ yiba me. Nwi kɔꞌ kɨɨ nɨniŋ nɨzi.