2 Kɔrintian 11:15 - Vengo (Babungo)

¹⁵ Faŋ ŋkə lùu nɨniŋ, vɨɨ faꞌ Satan kwìinə ŋwaa vəŋ maa məfɨnə vɨɨ faꞌ nu yinsəŋ, buu kee lùu nu kwalə me, vəndwə vəvəŋ ndɔ luu sheꞌ yaa njɨɨnə vəŋ.

2 Kɔrintian 11:15 ပူးပေါင်းရင်းမြစ်များ

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Roma 2:6

Nwi ndɔ bəŋsə wə tɨ̀ me wə sheꞌ maa vənu mbɨə faŋ ŋwə nə yɨ̀sə.

Roma 3:8

Nii toꞌ lùu nɨniŋ, buu kaꞌ nsiŋ gi sheꞌ nu ŋkɨə faŋ vɨɨ məndasə ndisə vəmɔ́ꞌ gisə, laa bàw nsiŋ kɨ yɨsə nu bwə, tɨ́ kaꞌ nu jəə fuu fɨ fuŋ. Maa nsɔꞌ yiweꞌ njyə faŋ Nwi ndɔ kwaŋ maa vɨɨ vɔ́ lùu yiloomə.

1 Kɔrintian 9:11

Yia nə fɨ̀ꞌtə nu Nwi tɨ́ viŋ, sheꞌ yuu wə faŋ ŋwə mɔ̀ꞌ ŋɨꞌsə taa biisə ŋwə. Ŋkə kee yikuꞌnə laa viŋ, faŋ viŋ kìi sey fɨ maa faꞌ wia nə, laa viŋ kɔ fɨ maa vətɔ mbɨə faŋ viŋ kìi tɨ́ yia yimu?

2 Kɔrintian 11:13

Vɨɨ vɔ́ sɨɨ ba laa vəŋ lùu vɨɨ ntɔŋ Kristo. Vəŋ lùu vɨɨ faꞌ bwənə, kwìinə yiŋwaa vəŋ maa məkəꞌ yaa ŋkee vɨɨ ntɔŋ Kristo.

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

2 Kɔrintian 3:9

Faŋ faꞌ ŋgwə faŋ ŋwə nə yɨ̀ vɨɨ gu nsɔꞌ Nwi nə, nə jwì nə məley nə, buu faꞌ ŋgwə faŋ ŋwə yɨ vɨɨ kiasə baa tɨ̀ŋnə jəə nə, bàw shɔ̀ɔ yiŋgwii ŋkee ghee yaŋ.

Efesɔs 6:12

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 13:2

Nyaa yɔ́ faŋ mə nə ye nə, nə fɨ̀nə bɔɔ, ghuu ghi fɨnə ghuu nyaa yibwə yimɔ́ꞌ, shuu wi fɨnə shuu bikəə. Zɔ-ŋgu-yibay yɔ́ kɔ wutə kwalə ki nə kenə ki tɨ́ nyaa yɔ́,

Reveleyshən 9:11

Fwàŋ ŋweysə sɔ́ nə luu tɨɨ wee-nsi bay. Yizii yi maa ghaŋ Hibru lùu laa Abadɔn; yizii yi maa ghaŋ Griis lùu laa Apɔliɔn, faŋ lùu laa wuu məbɨsə.