2 Kɔrintian 11:13 - Vengo (Babungo)

¹³ Vɨɨ vɔ́ sɨɨ ba laa vəŋ lùu vɨɨ ntɔŋ Kristo. Vəŋ lùu vɨɨ faꞌ bwənə, kwìinə yiŋwaa vəŋ maa məkəꞌ yaa ŋkee vɨɨ ntɔŋ Kristo.

2 Kɔrintian 11:13 ပူးပေါင်းရင်းမြစ်များ

Matiu 25:24

Wə ntɨə faŋ ŋwə nə fì malia muꞌ nə, jwi, gì laa, «Tɨta, mə nə kɨ̀ɨ nə ghɔ yaa wuu fwi yiweꞌ. A yaa kɨ shwi faŋ a nə kee yisɔ me, baytə vətɔ faŋ a nə kee yigaasə me.

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:24

Yia nə zɔ laa vɨɨ mɔ́ꞌ fɨ taa nwaa yia yaa ghaysə viŋ nə yigi, bùulə fwi siŋ, nsə nə lɔꞌ, faŋ kee tɔ̀ŋ yia tɔ̀ŋ vəŋ me.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

2 Kɔrintian 11:15

Faŋ ŋkə lùu nɨniŋ, vɨɨ faꞌ Satan kwìinə ŋwaa vəŋ maa məfɨnə vɨɨ faꞌ nu yinsəŋ, buu kee lùu nu kwalə me, vəndwə vəvəŋ ndɔ luu sheꞌ yaa njɨɨnə vəŋ.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 4:17

Vɨɨ vɔ́ faŋ vəŋ kəə bweꞌsə viŋ nə, nu vəŋ kee lùu kəjəə me. Vəŋ kəə laa viŋ gaasə yiŋwaa yiŋ fɨ maa mə, tɨ́ kaꞌ viŋ kɨ zɔnə vəŋ. Vəŋ kəə ndì fwi siŋ maa vəŋ.

Galatia 6:12

Viŋ kɔꞌ kɨɨ laa vɨɨ mbɨə faŋ vəŋ dɔ̀ɔ laa vɨ sɨɨtə viŋ nə, lùu vɨɨ faŋ vəŋ kəə laa vɨɨ kaw vəŋ, biŋ vəŋ. Vəŋ kəə laa vɨ sɨɨtə viŋ sheꞌ maa məyɨ jəə sɨ vɨɨ Jus, laa kɨ vɨ kɔ ŋɨꞌ tɨ́ vəŋ buꞌ ntɔŋ yijəə Nwi kɔ̀ŋ fəŋkɔꞌ fə ŋkɨꞌsə fə Kristo me.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Filipi 3:18

Vɨɨ vəyaŋ lùu shɔ faŋ vəŋ kee tòꞌ nɨniŋ me. Mə duꞌtə mə gi tɨ́ viŋ kɔ̀ŋ vɨɨ vɔ́ ghee yaŋ. Mə baa naysə tɨ́ viŋ nə mənsɨ sɨ mə ndwə laa, jɨɨ njyə faŋ vɨɨ vɔ́ toꞌ fɨ fuŋ nə, lùu jɨɨ vɨɨ mbeenə nu fəŋkɔꞌ fə ŋkɨꞌsə fə Kristo.

Filipi 3:2

Viŋ kɨ shiinə yiŋwaa yiŋ fɨ ghɔ busə sì. Viŋ kɨ shiinə fɨ ghɔ vɨɨ mbɨə faŋ vəŋ jwi kɨ deesə nu bwə taa ŋwaa viŋ, faŋ vəŋ nùŋ tɔ vəŋ sheꞌ maa nu məsɨɨtə vɨɨ nə.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Reveleyshən 19:20

Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.

Reveleyshən 2:2

«Mə kɨɨ nə vənu və, nə vəfaꞌ faŋ a faꞌ tɨ́ Nwi nə wutə nə, baa kɨ̀ɨ faŋ a jìa fwi yə taa ŋɨꞌ, baa bèe vənu vəbwəvə, mɔ̀ŋ vɨɨ mbɨə faŋ vəŋ gi laa vəŋ lùu vɨɨ ntɔŋ Kristo, luu nə, kee lùu me. A mɔŋ vəŋ, ye laa vəŋ lùu vɨɨ təba mu.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.