2 Kɔrintian 11:12 - Vengo (Babungo)

¹² Nu ŋkɨə faŋ mə yɨsə, mə ndɔ kɨ yɨsə, tɨ́ kaꞌ mə shìa jɨɨ fɨ ghɔ vɨɨ mbɨə faŋ vəŋ kəə jɨɨ, shɔɔ fuŋ, laa vəŋ kɨ bəŋsə yiŋwaa vəŋ, laa vəŋ luu sheꞌ yuu yia.

2 Kɔrintian 11:12 ပူးပေါင်းရင်းမြစ်များ

Matiu 26:16

Shù fɨ maa yighee yɔ́, ŋwə nəə kəə jɨɨ maa məkɔ Yeso tɨ́ vəŋ.

1 Kɔrintian 5:6

Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

2 Kɔrintian 1:17

Faŋ mə nəə kəə nɨniŋ nə, mə nəə bəŋ bə̀ŋ mu? Mə nə kɔ̀ꞌnə vənu vaŋ yaa vɨɨ taa mbi faŋ vəŋ biŋ ɔŋ nə bey maa yighee muꞌ mu?

2 Kɔrintian 10:17

Wə ntɨə faŋ ŋwə kəə kɨ bəŋsə fa, ŋwə bəŋsə luu Nwi.

2 Kɔrintian 11:18

Nɨniŋ, faŋ vɨɨ vəyaŋ lùu shɔ faŋ vəŋ koꞌsə yiŋwaa buꞌ nu wə mənsaw nə, mə taa yɨ sheꞌ nɨniŋ,

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 5:12

Kɨ ŋkə kee lùu laa yia baa bəŋsə ŋwaa wia tɨ́ viŋ me. Yia kəə kɔ sheꞌ jɨɨ tɨ́ viŋ, tɨ́ kaꞌ viŋ ŋàytə buꞌ yia, kɨ̀ɨ maa məkɔ bəŋsə tɨ́ vɨɨ mbɨə faŋ vəŋ koꞌsə ŋwaa buꞌ məkwalə wə, kee kɨɨ koꞌsə ŋwaa buꞌ fwi yijəə me.

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

1 Timoti 5:14

Nɨniŋ, mə kəə laa vəki ŋkusə faŋ vəŋ kɨ bii vaŋmbwaa, ndaa, bì vaŋ vəŋ, kɨ sɔꞌ ŋiinə vəŋ, tɨ́ kaꞌ vəŋ kee kɔ jɨɨ tɨ́ tɨɨ vəzwitə vəbwəvə maa məjia vəŋ, vɨ gisə bwə tɔ vəŋ me.