2 Kɔrintian 10:5 - Vengo (Babungo)

⁵ suꞌsə mbɨɨsə ŋii sənshə faŋ nsə fə̀ŋ nu məkɨɨ nə Nwi. Yia ndɔ jia mbɨꞌtə vɨɨ yinshə, yɨ̀sə nyə zɔnə Kristo.

2 Kɔrintian 10:5 ပူးပေါင်းရင်းမြစ်များ

Matiu 15:19

Lùu nɨniŋ buꞌ laa vənu vəbwəvə vənshə fuu fɨ taa fwi wə. Mbɨꞌtə yibwə nə nu məzwi wə, nə nu mətii vəki və vɨɨ, nə nu wəzwi sakə, nə nu vəndɔꞌ, nə nu məsɨɨ ba tɔ wə, nə nu məndasə Nwi; vənu vɔ́ vənshə fuu fɨ taa fwi wə,

Lukas 1:51

Ŋwə yaa kɨ yɨsə vənu vəkwalə nə ghɔ ki, fə vɨɨ mbɨə faŋ vəŋ kaw kɨ koꞌsə ŋwaa.

Roma 1:21

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 16:26

baa fùu yikəꞌ vɨɨ ndwə. Nwi faŋ ŋwə nə luu shɔ shù fɨ yighee vɨsɨ, ndɔ goꞌsə yighee muꞌ nə, gì laa, vɨ gə fɨ̀ꞌtə nu Kristo kɔ́ tɨ́ vɨɨ taa məshɨ mənshə, laa vəŋ kɨɨ nə ŋiꞌ nu ŋkɨə faŋ ŋkə lùu taa ŋwaꞌlə nshiisə-ŋii sɔghɔ nə, nùŋ fwisə vəŋ maa Kristo, kɨ zɔnə ŋwə.

Roma 7:23

Luu nə, mə ye nuŋsə yimɔ́ꞌ ŋkee taa ŋwaa mə, nyə nywenə ghɔ nuŋsə njyə faŋ nyə lùu taa fwi mə. Nuŋsə yɔ́ fɨ taa ŋwaa mə jìa mə, kà mə, nu bwə kɔ́ kii mə.

1 Kɔrintian 1:19

Luu sheꞌ faŋ vɨ nyɔ̀ꞌ taa ŋwaꞌlə Nwi laa Nwi gì laa, «Mə taa bɨsə yitɔfə vɨɨ mbɨə faŋ vəŋ kìi yitɔfə, baa twèy yitɔfə vɨɨ mbɨə faŋ vəŋ kɨɨ nə ŋwaꞌlə.»

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

2 Kɔrintian 11:20

Maa viŋ bìŋ faŋ wə mɔ́ꞌ ndɨ̀ viŋ yaa vəbuꞌ vi, tɨꞌnə me kùŋ viŋ, tɨꞌnə me jìa viŋ, tɨꞌnə me kɔ̀ꞌsə viŋ, tɨꞌnə me sàŋ viŋ.

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Filipi 4:7

Viŋ yɨ nɨniŋ, buu Nwi taa kɔ məduꞌ-nyɔŋ tɨ́ viŋ, faŋ luu nu kwalə shɔ̀ɔ vənu vənshə faŋ kaꞌ wə bɨꞌtə fɨ tɔ ŋwə. Nu kɔ́ kɔ fwi yizutə tɨ́ viŋ, yɨ laa nu kee baa luu shɔ bùulə mbɨꞌtə yiŋ me, faŋ viŋ nùŋ fwi siŋ maa Yeso Kristo nə.

2 Tesalonika 2:4

Wuu mbeenə ghɔ́ ndɔ tuŋ yighaw ghɔ Nwi, kòꞌsə ŋwaa wi yizɔ, kəə maa məshɔɔ vətɔ vənshə, faŋ vɨɨ tii nə Nwi, baa nə vətɔ faŋ vɨ bəŋsə laa lùu vətɔ və Nwi. Ŋwə ndɔ gə duꞌ ŋkee taa ŋii Nwi yikwalə, kɨ tii yizii yi laa yi lùu Nwi.

2 Tesalonika 2:8

Ndɔ luu maa yighee yɔ́, wuu mətwey Nwi ghɔ́ fuu ntee. Luu nə, tɨta Yeso ndɔ zwi ŋwə sheꞌ nə zwitə shuu ki, ndìsə ŋwə maa shi ŋkɨə faŋ ŋwə ndɔ baa fuu ntee, jwì yè vɨɨ vi.

Hibru 4:12

Nsiŋ kɔꞌ kɨɨ laa yigisə Nwi lùu nu məbwey, kìi wutə, baa shə shɔ̀ɔ baꞌ yighaw faŋ ŋkə lùu kəshəsə nə, shə̀ kwiŋ nshə, tɨ́ kaꞌ nyə ŋii ŋkee taa fwi wə, ŋii ŋkee taa vəyəə və ŋwaa və wə. Nyə baa luu də mbɨꞌtə wə faŋ wə bɨꞌtə fɨ taa fwi ŋwə.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

1 Pita 1:2

Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!