2 Kɔrintian 10:4 - Vengo (Babungo)

⁴ Vətɔ və yighaw mbɨə faŋ nsiŋ tuŋ yighaw shɔ, kee lùu vətɔ və taa mbi me, lùu vətɔ və yighaw və Nwi, faŋ mbə lùu ŋkee vəweꞌ, faŋ kaꞌ vɨ bɨsə vətɔ vəweꞌvə shɔ. Yia bɨsə yigisə mənay shɔ,

2 Kɔrintian 10:4 ပူးပေါင်းရင်းမြစ်များ

Akts 7:22

Vɨ deesə ŋwə nə vənu və yitɔfə və vɨɨ Ijip vənshə. Ŋwə kɨ nii luu ŋkee wə maa yigisə yi nə vənu vəyɨvə vi.

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

1 Kɔrintian 2:5

Nɨniŋ laa kɨ viŋ nuŋ fwi siŋ maa nu Nwi buꞌ yitɔfə wə mənsaw me. Luu sheꞌ buꞌ wutə Nwi laa viŋ biŋ ŋwə.

1 Kɔrintian 9:7

Maa vəsogeꞌ faŋ vəŋ tùŋ yighaw, vəŋ kee yaa kɨ ndɨ luu ka vəŋ, ywaŋ fazɨ shɔ me. Vɨɨ mbɨə faŋ vəŋ ndɨɨ məndɨɨ, kee zɨ fɨ taa biisə vəŋ yimu? Maa vɨɨ mbɨə faŋ vəŋ shii nyaasə, yaa kɨ nu məməŋ faŋ mbə ndɔ̀ fɨ maa nyaasə sɔ́.

2 Kɔrintian 10:8

Mə nəə toꞌ kəə kɨ buꞌ dɨŋ ŋwaa buꞌ wutə ŋkɨə faŋ tɨta Kristo nə kɔ̀ shee maa məyɨsə viŋ ta taa nu Nwi, buu kaꞌ tɔ kaŋ kee dɨ̀ɨ shɔ me. Ŋwə nə kee kɔ̀ wutə kɔ́ laa yia kɨ ndisə viŋ me.

2 Kɔrintian 13:10

Mə nyɔ̀ꞌ nee faŋ mə kee lùu yɨ viŋ me, tɨ́ kaꞌ mə taa kɨ jwi yɨ viŋ, kee baa kìi nu maa mədə wutə kaŋ tɨ́ viŋ me. Wutə ŋkɨə faŋ Mɔꞌmbi kɔ̀ shee nə, lùu wutə maa məfianə, kee lùu wutə maa məsɔꞌ me.

2 Kɔrintian 3:5

Ŋkə kee lùu laa yia kùꞌnə, tɨ́ kaꞌ yia gì laa nu mɔ́ꞌ ndɔ̀ fɨ ghɔ yia me. Məkuꞌnə wia ndɔ fɨ ghɔ Nwi,

2 Kɔrintian 4:7

Nu Nwi kwalə kɔ́ lùu yaa ŋkee fa jəə faŋ vɨ nùŋ taa vəntɨɨ və shɔꞌ. Yia lùu yaa vəntɨɨ vɔ́. Lùu nɨniŋ laa ŋkə luu kəley laa wutə kwalə ŋkɨə faŋ ŋkə faꞌ taa ŋwaa yia, lùu ŋkə Nwi; ŋkə kee ndɔ̀ fɨ ghɔ yia me.

2 Kɔrintian 6:7

gisə yigi yibinə, weꞌ nə wutə Nwi, nywenə maa nu ŋkɨə faŋ ŋkə lùu kəloomə ŋkee nə wutə, yuu wuu yighaw faŋ ŋwə jia vətɔ və yighaw maa kwiŋ maꞌnə nə kwiŋ ŋkwii nɨzi.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

1 Timoti 1:18

Ŋwiŋ ŋwaa Timoti, mə kɔ ntɨ tɨ́ ghɔ ndwə laa a kuꞌsə maa vənu mbɨə faŋ nshiisə-ŋii sɔghɔ nə gì tɨ́ ghɔ maa yighee vɨsɨ, laa a tùŋ yighaw yijəənə buꞌ vənu vɔ́ faŋ vɨ nə gì nə.

2 Timoti 2:3

Biŋ ŋɨꞌ yaa sogeꞌ Yeso Kristo jəə.

Hibru 11:30

Nə baa luu buꞌ məbiŋ vɨɨ Isirayl, faŋ vəŋ nə nùŋ fwi vəŋ maa Nwi, laa ŋkɔꞌ ntɨꞌ Jeriko bɨꞌkə gù nsi. Nə luu ŋkɔꞌ yiweꞌ faŋ vɨ nə bɔ̀ŋ nə ŋoꞌsə, faŋ nyə nə kìa ntɨꞌ Jeriko kənshə. Yighee njyə faŋ vɨɨ Isirayl nə toꞌ kìa ŋkɔꞌ yɔ́ maa vəshi kwatia, Nwi yɨsə ŋkɔꞌ yɔ́ gu.