2 Kɔrintian 10:18 - Vengo (Babungo)

¹⁸ Wə kee kuꞌnə, buꞌ laa suŋtə nshɨ-tɔ wi suŋtə ŋwaa wi me. Wə yaa kɨ kuꞌnə sheꞌ faŋ sùŋ Mɔꞌmbi sùŋtə ŋwə.

2 Kɔrintian 10:18 ပူးပေါင်းရင်းမြစ်များ

Lukas 16:15

Ŋwə gi tɨ́ vəŋ laa, «Viŋ lùu vɨɨ faŋ viŋ kɨɨ yɨsə laa viŋ luu vɨɨ loomə yikəꞌ vɨɨ. Luu nə, Nwi kɨɨ nə fwi siŋ. Viŋ kɔꞌ kɨɨ laa nu, faŋ luu ŋkee nu kwalə yikəꞌ vɨɨ, luu ŋkee nu bwə tɨ́ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:43

Vəŋ nə kàw maa məmwa yikəꞌ vɨɨ, shɔ̀ɔ maa məmwa yikəꞌ Nwi.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 16:10

Shɔꞌtə Apeles, faŋ ŋwə wèꞌ maa nu Kristo nə. Shɔꞌtə vɨɨ fɨ fu Aristɔbulɔs,

Roma 2:29

Wuu Jus yinsəŋ lùu wə faŋ fwi yi ley, sheꞌ yaa vɨ sɨ̀ɨtə ŋwə fɨ maa fwi yi, faŋ lùu nu faꞌ Zwitə Nwi. Ŋiꞌ wuu Jus kee lùu nu faŋ vɨ ye nə yisɨ maa mbasə ŋwaa wi me, luu nə, lùu nu fwi yi. Kəŋ wə ghɔ́ fi bəŋsə wi fɨ ghɔ Nwi, kee fi fɨ ghɔ vɨɨ me.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Kɔrintian 10:12

Fwi sia kee biŋ laa vɨ kɨ mɔŋ yia laa yia kùꞌnə maa vɨɨ mɔ́ꞌ faŋ vəŋ suŋtə jəə vəŋ nə me, tɨꞌnə me maa məfɨꞌnə nu kia, yia vɨ vəŋ me. Kaꞌ vɨɨ vɔ́ fɨꞌnə nu vəŋ ŋgɨɨ-vəŋ, baa wàsə nu vəŋ maa ŋkə-vəŋ nu, buꞌ laa vəŋ kee kɨ̀ɨ nə nu yinsəŋ me.

2 Kɔrintian 13:7

Yia buꞌ ghɔ tɨ́ Nwi laa kɨ viŋ yɨ tuu nu bwə me. Kɨ mə kee gì nɨniŋ, tɨ́ kaꞌ yia ndɔ fuu yaa vɨɨ faꞌ jəə tɨ́ Nwi me. Mə kəə sheꞌ laa viŋ yɨ nu ŋkɨə faŋ ŋkə lùu kəloomə, faŋ ŋkə kɔlə ghɨɨ yaa yia gù nu.

2 Kɔrintian 3:1

Yia gi nɨniŋ buu yia bəŋsə jəə wia mu? Viŋ bɨꞌtə laa yia bə̀ə ŋwaꞌlə faŋ ŋwə dəsə jəə wia tɨ́ viŋ mu, tɨꞌnə me laa yia kəə fi kəŋ ŋwaꞌlə ghɔ́ fɨ ghɔ viŋ, faŋ ŋwə dəsə jəə wia tɨ́ vɨɨ vəmɔ́ꞌ mu? Bey, yia kee kəə kəŋ nu ghɔ́ me, faŋ vɨɨ mɔ́ꞌ kɔlə toꞌ nə kəŋ vəŋwaꞌlə vɔ́ nə.

2 Kɔrintian 5:12

Kɨ ŋkə kee lùu laa yia baa bəŋsə ŋwaa wia tɨ́ viŋ me. Yia kəə kɔ sheꞌ jɨɨ tɨ́ viŋ, tɨ́ kaꞌ viŋ ŋàytə buꞌ yia, kɨ̀ɨ maa məkɔ bəŋsə tɨ́ vɨɨ mbɨə faŋ vəŋ koꞌsə ŋwaa buꞌ məkwalə wə, kee kɨɨ koꞌsə ŋwaa buꞌ fwi yijəə me.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Timoti 2:15

Kɨ tɔfə maa məduꞌ yikəꞌ Nwi yaa wə faŋ ŋwə kùꞌnə maa faꞌ wi. Faꞌ faꞌ Nwi tɨ́ kaꞌ tɔ kə kee ndɔ dɨɨ shɔ me. Kɨ fɨꞌtə nu yinsəŋ Nwi tɨ́ vɨɨ ŋkee ley ley.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.