2 Kɔrintian 10:10 - Vengo (Babungo)

¹⁰ faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 10:10 ပူးပေါင်းရင်းမြစ်များ

1 Kɔrintian 1:17

Kristo nə kee tɔ̀ŋ mə laa mə kɨ toꞌ kɔ muu mə Nwi tɨ́ vɨɨ me. Ŋwə nə tɔ̀ŋ mə laa mə kɨ toꞌ fɨꞌtə ntɔŋ yijəə Nwi tɨ́ vɨɨ. Mə nəə kee toꞌ gisə yigi yisɨꞌsə nə yigisə tɔ ley maa məyɨ laa vɨɨ biŋ ntɔŋ yɔ́ me. Mə nəə kəə laa vɨɨ kɔꞌ kɨɨ nə ŋiꞌ yiku Yeso faŋ ŋwə nə kù tɔ nsiŋ fuu fəŋkɔꞌ fə ŋkɨꞌsə nə. Kɨ ŋkə gu nu dayday tɨ́ vəŋ me.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 10:11

Bàw vɨɨ vɔ́ kɔꞌ kɨɨ laa ŋkwiinə kee taa luu shɔ, faŋ nsiŋ baa lùu mɔ́ꞌ nə me. Nu ŋkɨə faŋ yia nyɔ̀ꞌ taa vəŋwaꞌlə faŋ yia lùu shəŋ day nə, nə nu ŋkɨə faŋ yia taa yɨsə faŋ nsiŋ luu mɔ́ꞌ nə, luu sheꞌ nɨndɨŋ.

2 Kɔrintian 10:9

Mə kee kəə ŋkə fuu laa mə kəə fesə viŋ nə vəŋwaꞌlə vaŋ me,

2 Kɔrintian 11:21

Nu kɔ́ lùu nu tɔ dɨɨ tɨ́ yia. Yinsəŋ, yia kee bee kùꞌnə maa məyɨ kəŋ nu ghɔ́ me. Luu nə, nu ŋkɨə faŋ wə mɔ́ꞌ buꞌ dɨŋ wi shɔ, kaꞌ mə bùꞌ dɨŋ ŋwaa shɔ nɨzi. Maa lùu yigisə vəmfaw faŋ mə gì nɨniŋ nə.

2 Kɔrintian 11:6

Mə kɔlə lùu bwə maa məgi, kee bə̀ə tɔ ley maa məkɨɨ nə nu Nwi me, faŋ yia duꞌtə yia yɨsə ŋkə ley tɨ́ viŋ maa vənu vənshə maa jɨɨsə sənshə.

2 Kɔrintian 13:3

Viŋ kəə laa mə də tɨ́ viŋ laa gisə Kristo gisə fɨ shuu mə tɨ́ viŋ. Nɨniŋ, Kristo kee bee yɨsə nu faŋ ŋkə bwa tɨ́ viŋ me, ŋwə yɨ nu faŋ ŋkə weꞌ taa ŋwaa viŋ.