2 Kɔrintian 10:1 - Vengo (Babungo)

¹ Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 10:1 ပူးပေါင်းရင်းမြစ်များ

Matiu 11:29

Viŋ shaꞌ fəŋkɔꞌ fə kaalə nyàa faŋ maa viŋ, kɨ zwetə nu kaŋ, buꞌ laa mə lùu wuu bwaŋnə, ndɔ bwasə ŋwaa nsi fɨ taa fwi mə, buu fwi yiŋ duꞌ bwaŋnə.

Matiu 21:5

Nwi gi laa, «Viŋ naysə tɨ́ ŋwiŋ ŋwaa, shɨ Zayon laa fwàŋ wi jɨjwi yɨ ŋwə, luu wuu zutə, kòꞌ fuu jakasə, nə wee jakasə məbiꞌ vətɔ.»

Akts 8:32

Shəŋ ŋwaꞌlə kɔ́ faŋ ŋwə nəə tii nə, luu ŋkɨə faŋ ŋkə lùu laa lee, «Ŋwə nə luu yaa bi-njɨɨ faŋ vɨ ndì, kɨ gə sɨɨ. Ŋwə nə kee ŋaꞌsə shuu wi me, kee gì tuu nu me, sheꞌ yaa wee-bi-njɨɨ faŋ nyə kee yaa kɨ gwia faŋ vɨ ki wiŋ ghi me.

Roma 10:20

Aysaya nə kà fwi yi, gì yigisə Nwi ntee laa, «Vɨɨ mbɨə faŋ vəŋ nəə kee kəə Nwi me, ye Nwi. Vɨɨ faŋ vəŋ nə kee bitə Nwi me, kɨ̀ɨ nə Nwi.»

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 15:15

Faŋ mə kɔlə kɨɨ nɨniŋ nə, mə nyɔ̀ꞌ tɨ́ viŋ, gì maa vəshəŋ vəmɔ́ꞌ nə fwi yiweꞌ, lùmə vənu tɨ́ viŋ nɨniŋ, buꞌ laa Nwi nə kɔ̀ mə nə tɔ ley fɨ taa mənɔŋ-bwaŋnə wi,

1 Kɔrintian 2:3

Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

1 Kɔrintian 4:21

Viŋ sii kəə kə? Yighee njyə faŋ mə ndɔ jwi, mə taa jwi nə mfa maa məsaŋ viŋ mu, mu viŋ taa kwiinə nshinə yiŋ, yuu mə taa kɨ jwi, mə jwi fɨ taa bwaŋnə, də̀ ŋkawnə nyaa, faŋ mə kaw viŋ shɔ nə mu?

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 10:2

Nɨniŋ, mə buꞌ ghɔ tɨ́ viŋ laa viŋ yɨsə laa, yighee njyə faŋ mə ndɔ jwi yɨ viŋ, fwi nyaa kee baa shə maa viŋ me. Mə kɔꞌ kɨɨ laa kaꞌ fwi nyaa wèꞌ maa vɨɨ mbɨə faŋ vəŋ gisə laa yia yɨsə vənu maa ŋkitə mbi.

2 Kɔrintian 10:7

Viŋ ndeynə nu faŋ kaꞌ ŋkə luu kəley sɨ viŋ. Wə mɔ́ꞌ lùu shɔ faŋ ŋwə lumə ŋwaa wi laa yi lùu wuu Kristo, bàw ŋwə baa ywiitə fɨ taa fwi ŋwə laa yia lùu vɨɨ Kristo sheꞌ yaa ŋwə.

2 Kɔrintian 11:21

Nu kɔ́ lùu nu tɔ dɨɨ tɨ́ yia. Yinsəŋ, yia kee bee kùꞌnə maa məyɨ kəŋ nu ghɔ́ me. Luu nə, nu ŋkɨə faŋ wə mɔ́ꞌ buꞌ dɨŋ wi shɔ, kaꞌ mə bùꞌ dɨŋ ŋwaa shɔ nɨzi. Maa lùu yigisə vəmfaw faŋ mə gì nɨniŋ nə.

2 Kɔrintian 11:30

Kɨ ghaŋ mə nə koꞌsə ŋwaa, buu mə koꞌsə maa vənu və lɨloo.

2 Kɔrintian 12:5

Nɨniŋ, mə taa kɨ koꞌsə ŋwaa buꞌ kəŋ wə ghɔ́, faŋ ŋwə nə yè vənu vɔ́ nə. Luu nə, mə kee taa koꞌsə ŋwaa buꞌ ŋwaa ŋwaa me, tɨ̀ lɨꞌ vənu mbɨə faŋ mbə də məbwa ŋwaa me.

2 Kɔrintian 3:12

Faŋ yia nùŋ fwi sia maa ntɔŋ yijəə yɔ́ nee nə, yia jia fwi ŋkee dɨdɨꞌ maa mətɨŋnə, fɨꞌtə nu Nwi.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

Galatia 4:13

Viŋ kɨ lumə laa, maa mfɔŋ yighee, faŋ mə nə bɨ jwì maa məfɨꞌtə nu Nwi tɨ́ viŋ, mə nə kee lùu taa me.

Galatia 5:2

Viŋ zɔ! Mə Pɔɔl, mə naysə tɨ́ viŋ laa, viŋ taa kɨ luu biŋ laa vɨ kɨ sɨɨtə viŋ, buu ŋkə də̀ laa, nu Kristo gù nu dayday tɨ́ viŋ.

Efesɔs 3:1

Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Filipi 4:5

Viŋ kɨ yɨsə vənu maa jɨɨ yijəə, tɨ́ kaꞌ vɨɨ vənshə taa ye laa viŋ lùu vɨɨ bwaŋnə. Viŋ kɨ lumə laa tɨta Yeso luu nshənə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

2 Tesalonika 3:17

Məshɔꞌtə ŋwə̀ faŋ mə nyɔ̀ꞌ feenə, nyɔ̀ꞌ mə Pɔɔl ŋgɨɨ-mə, ŋkee nə ghɔ kaŋ. Lùu shwenə kaŋ maa vəŋwaꞌlə vaŋ vənshə faŋ mə nyɔ̀ꞌ nə. Maa viŋ ye sɨ ŋwaꞌlə ŋə̀ faŋ mə nyɔ̀ꞌ ŋgɨɨ-mə nə.

Filemon 1:19

Mə Pɔɔl nyɔ̀ꞌ ŋkee nə ghɔ kaŋ, laa mə taa ndɔꞌ. Mə gì nɨniŋ faŋ nshɨ-tɔ wə kɔlə kɔꞌ kɨɨ laa kaꞌ mə gì laa yikɔɔ nyaa lùu ghɔ ghɔ maa kəŋ jɨɨ yimɔ́ꞌ nɨzi. Maa kaꞌ mə gì laa a kɔ ŋkee ŋwaa wə shee.

Filemon 1:9

Mə bee kii buꞌ ghɔ tɨ́ ghɔ, buꞌ laa mə kàw ghɔ. Mə buꞌ ghɔ tɨ́ ghɔ yaa wuu taa, yuu mə luu wuu taa nə. Mə baa luu wə taa ŋii mfiŋ buꞌ nu Yeso Kristo maa yighee ndwə.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.