2 Kɔrintian 1:5 - Vengo (Babungo)

⁵ Ŋɨꞌ njyə faŋ nyə nə ŋii Kristo nə, baa luu ŋìi maa nsiŋ yiyaŋ. Luu nə, Nwi boolə nsiŋ dɨdɨꞌ buꞌ Kristo.

2 Kɔrintian 1:5 ပူးပေါင်းရင်းမြစ်များ

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Akts 9:4

Ŋwə gu nsi, zɔ gɨ wə faŋ nyə gì tɨ́ ŋwə laa, «Sɔɔl, Sɔɔl, a sii shoꞌ ghuu kaŋ buꞌ kə?»

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

Filipi 1:20

Mə tə sɨ, kɨ kɨꞌ laa tɔ kaŋ kee ndɔ dɨɨ me, baa nə laa Nwi ndɔ yɨsə laa vɨɨ bəŋsə Kristo buꞌ mə, sheꞌ faŋ ŋwə yuu kɨ yɨsə ghee nshə. Vɨ ndɔ bəŋsə Kristo buꞌ mə, faŋ mə kɔlə kɨku, tɨꞌnə me bɨbwey.

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

Filipi 3:10

Nɨniŋ, nu ŋkɨə faŋ mə kəə ŋkə, luu sheꞌ laa mə kɨɨ nə Kristo, nə wutə ŋkɨə faŋ ŋkə jwi fɨ maa məywey wi fɨ shɨ yiku. Mə baa kəə laa kaꞌ mə baa luu yè fɨ maa ŋɨꞌ yi, faŋ ŋwə nə yè nə. Mə biŋ ŋkee maa məku, sheꞌ faŋ ŋwə nə biŋ yiku nə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.