2 Kɔrintian 1:3 - Vengo (Babungo)

³ Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə yaa kɨ kee gəŋsə vɨɨ dɨdɨꞌ, baa luu Nwi məboolə vɨɨ maa vənu vənshə.

2 Kɔrintian 1:3 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

2 Kɔrintian 11:31

Nshɨ-tɔ Nwi, tɨɨ Yeso Kristo, kɨɨ laa mə kee sɨɨ ba me. Mə kɨ bəŋsə ŋwə ghee nshə.

2 Kɔrintian 7:6

Luu nə, Nwi faŋ ŋwə yaa kɨ kɔ fwi yizutə tɨ́ vɨɨ mbɨə faŋ vɨ fiitə vəŋ nsi, baa kɔ fwi yizutə tɨ́ yia nɨzi, faŋ Titɔs nə jwì yɨ yia.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Kɔlɔsii 1:3

Yia bwaŋ Nwi, tɨɨ tɨta ŋwaa-nsiŋ Yeso Kristo, ghee nshə, faŋ yia shɔꞌtə Nwi tɔ viŋ.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

2 Jɔn 1:4

Mə ŋaytə dɨdɨꞌ buꞌ faŋ mə ye laa vɨɨ vəmɔ́ꞌ fɨ taa nshəŋtə yiŋ bìŋ nu Nwi yinsəŋ, toꞌ yitoꞌ vəŋ maa jɨɨ njyə faŋ nyə lùu yiloomə, sheꞌ faŋ tɨta Nwi nə tɨ̀ nsiŋ shɔ nə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.