2 Kɔrintian 1:23 - Vengo (Babungo)

²³ Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 1:23 ပူးပေါင်းရင်းမြစ်များ

Akts 18:1

Pɔɔl kɨ nii ndɔ̀ fɨ ntɨꞌ Atens, shɔ̀ɔ gə Kɔrint.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Roma 1:9

Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 9:1

Mə gi ŋkee nu yinsəŋ maa yizii Kristo, kee sɨɨ ba me. Fwi nyaa nɨzi, faŋ Zwitə Ley Nwi lùu taa tey yi, biŋ laa mə gi nu yinsəŋ.

1 Kɔrintian 4:21

Viŋ sii kəə kə? Yighee njyə faŋ mə ndɔ jwi, mə taa jwi nə mfa maa məsaŋ viŋ mu, mu viŋ taa kwiinə nshinə yiŋ, yuu mə taa kɨ jwi, mə jwi fɨ taa bwaŋnə, də̀ ŋkawnə nyaa, faŋ mə kaw viŋ shɔ nə mu?

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

2 Kɔrintian 1:18

Bey, ŋkee maa yinsəŋ Nwi, yigisə yia tɨ́ viŋ kee lùu ɔŋ nə bey me.

2 Kɔrintian 10:2

Nɨniŋ, mə buꞌ ghɔ tɨ́ viŋ laa viŋ yɨsə laa, yighee njyə faŋ mə ndɔ jwi yɨ viŋ, fwi nyaa kee baa shə maa viŋ me. Mə kɔꞌ kɨɨ laa kaꞌ fwi nyaa wèꞌ maa vɨɨ mbɨə faŋ vəŋ gisə laa yia yɨsə vənu maa ŋkitə mbi.

2 Kɔrintian 11:10

Mə gì ntee buꞌ yinsəŋ Kristo fɨ taa fwi mə laa, kaꞌ wə kee fə̀ŋ mə fɨ maa nu kɔ́ fɨ nsi Akaya me, fɔnə faŋ mə faꞌ tɨ́ viŋ, kee ndeynə vəndɔꞌnə me, faŋ lùu nu məŋaytə shee.

2 Kɔrintian 11:11

Mə sii yɨ nɨniŋ buꞌ kə? Ŋkə lùu laa mə kee kàw viŋ yimu? Bey, Nwi kɔꞌ kɨɨ laa mə kàw viŋ.

2 Kɔrintian 11:31

Nshɨ-tɔ Nwi, tɨɨ Yeso Kristo, kɨɨ laa mə kee sɨɨ ba me. Mə kɨ bəŋsə ŋwə ghee nshə.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

2 Kɔrintian 13:10

Mə nyɔ̀ꞌ nee faŋ mə kee lùu yɨ viŋ me, tɨ́ kaꞌ mə taa kɨ jwi yɨ viŋ, kee baa kìi nu maa mədə wutə kaŋ tɨ́ viŋ me. Wutə ŋkɨə faŋ Mɔꞌmbi kɔ̀ shee nə, lùu wutə maa məfianə, kee lùu wutə maa məsɔꞌ me.

2 Kɔrintian 13:2

Maa yighee njyə faŋ nsiŋ nə luu mɔ́ꞌ maa ghuu yitoꞌ kaŋ lwesə ghee bɔɔ, mə yaa duꞌtə mə gi tɨ́ vɨɨ mbɨə faŋ vəŋ nəə yɨsə vənu vəbwəvə yighee vɨsɨ nə, nə tɨ́ vɨɨ vənshə, laa mə ndɔ baa bəŋ jwi, kee baa kɨ gay buꞌ nu bwə wə mɔ́ꞌ me. Mə baa bəŋsə gì ndwə, faŋ mə kɨ bii ntaŋ nə, laa ŋkə ndɔ luu nɨniŋ.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Galatia 1:20

Maa yinsəŋ, vənu və̀ faŋ mə nyɔꞌ tɨ́ viŋ ndwə, Nwi kɔꞌ kɨɨ laa mə kee sɨɨ ba me.

Filipi 1:8

Nwi kɔꞌ kɨɨ yinsəŋ laa ŋkawnə njyə faŋ mə kìi nyə maa viŋ vənshə, ndɔ̀ fɨ ghɔ Yeso Kristo.

1 Tesalonika 2:5

Viŋ kɔꞌ kɨɨ laa yia nə kee ta gì yigisə bəŋ tɨ́ viŋ tuu yighee muꞌ me, tɨꞌnə me gì yigi yimɔ́ꞌ maa məshitə viŋ shɔ, maa məkəə ka fɨ yiba me. Nwi kɔꞌ kɨɨ nɨniŋ nɨzi.

1 Timoti 1:20

Hayminiɔs nə Alesanda lùu taa ŋwaa vɨɨ vɔ́ faŋ vəŋ nə gù nɨniŋ nə. Mə kɔ vəŋ taa ghɔ Satan tɨ́ kaꞌ vəŋ zwetə maa məkee baa nda Nwi me.