2 Kɔrintian 1:22 - Vengo (Babungo)

²² kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

2 Kɔrintian 1:22 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33

Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Roma 4:11

Ŋwə nə bɨ nùŋ fwi yi maa Nwi, Nwi ndi ŋwə yaa wuu loomə, faŋ vɨ nə kee ta nàysə ŋwə me, buu Nwi kɨ nii kɔ̀ nu məsɨɨtə wə tɨ́ ŋwə yaa shwenə wuu loomə. Nɨniŋ, Abraham gu tɨɨ vɨɨ vənshə faŋ vəŋ nùŋ fwisə vəŋ maa Kristo, faŋ vɨ kee sɨ̀ɨtə vəŋ me, Nwi ndi vəŋ yaa vɨɨ loomə.

Roma 8:23

Kee sɔŋ sheꞌ vətɔ vɔ́ nɨnɔŋ me, sɔŋ nshɨ-tɔ ŋwaa-nsiŋ nɨzi, faŋ nsiŋ kɔlə fì Zwitə Ley Nwi, faŋ lùu mfɔŋsə vətɔ və Nwi. Nɨniŋ, nsiŋ kɨ kɨꞌ yighee njyə faŋ Nwi ndɔ yɨsə nsiŋ luu vaŋ vi ntee, faŋ ŋwə ndɔ kɔ yiŋwaa yifinə tɨ́ nsiŋ.

Roma 8:9

Gə̀ fɨ maa viŋ, viŋ kee toꞌ luu fɨ maa nuŋsə mbasə ŋwaa me. Viŋ toꞌ luu fɨ maa Zwitə Ley Nwi, buꞌ laa Zwitə Ley Nwi shi taa ŋwaa viŋ. Wə kɨ luu kee kìi Zwitə Kristo taa fwi ŋwə me, buu kaꞌ ŋwə kee lùu wuu Kristo me.

2 Kɔrintian 5:5

Nə lòotə nshɨ-tɔ Nwi lòotə nsiŋ maa nu kɔ́. Ŋwə duꞌtə ŋwə kɔ Zwitə Ley ki tɨ́ nsiŋ yaa shwenə ŋkɔꞌnə yi.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

1 Tesalonika 4:8

Nɨniŋ, wə ntɨə faŋ ŋwə shìa nu kɔ́, kee shìa luu wə me, ŋwə shìa luu Nwi, ŋkee ŋwə faŋ ŋwə kwaŋ Zwitə ki, faŋ ŋkə bàw shɨlə nə, taa fwisə viŋ.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 7:3

Nshiiŋii Nwi yɔ́ gi laa, «Viŋ naꞌ, kɨ viŋ ta bɨsə mbi, nə mamuu, nə vətɨ me! Naꞌ, yia taa shwenə vɨɨ faꞌ Nwi via fɨ mbootɔ vəŋ.»

Reveleyshən 9:4

Vɨ naysə tɨ́ nsə laa kɨ nsə bɨsə təgay fɨ shɨ nsi me, tɨꞌnə me fa faŋ ŋkə tɨta yaa vətɨ me, laa nsə kɨ gə sheꞌ maa vɨɨ mbɨə faŋ vəŋ kee kìi shwenə Nwi mbootɔ vəŋ me.