2 Kɔrintian 1:19 - Vengo (Babungo)

¹⁹ Nshɨ-tɔ Yeso Kristo, wee Nwi, faŋ mə nə fɨ̀ꞌtə kɔ̀ŋ ŋwə taa ŋwaa viŋ, yia Silas nə Timoti, ŋwə nɨzi kee lùu ɔŋ nə bey me. Ŋkee yinsəŋ, Nwi nə gì laa ɔŋ tɨ́ nsiŋ ŋkee maa nu kwalə buꞌ ŋwə.

2 Kɔrintian 1:19 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 24:35

Yizɔ ghɔ nsi ndɔ me, luu nə, yigisə nyaa kee mè me.

Matiu 27:40

gi laa, «Aŋ ghɔ, faŋ kaꞌ a sɔ̀ꞌ ŋii Nwi yikwalə, baa fìanə maa vəshi vətia, bweysə ŋwaa wə ndwə. Kɨ luu laa a lùu Wee Nwi, siꞌ fɨ fuu fəŋkɔꞌ fəŋkɨꞌsə fə.»

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Mark 1:1

Lùu ntɔŋ yijəə buꞌ Yeso Kristo, Wee Nwi.

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:34

Mə ye nɨniŋ, buu naysə ntee laa wə ghɔ́ lùu Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:49

Nataniel bəŋsə tɨ́ ŋwə laa, «Rabi, a lùu Wee Nwi. A luu fwàŋ vɨɨ Isirayl.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:7

Vɨɨ Jus vɔ́ gi laa, «Nuŋsə yia yimɔ́ꞌ lùu shɔ laa vɨ yɨsə kəŋ wə ŋwə̀ ku, buꞌ laa ŋwə taw Nwi, gì laa yi lùu Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:69

Yia nùŋ fwi sia maa ghɔ, buꞌ laa yia kɔꞌ kɨɨ laa a luu ŋkee wuu ley ŋgwə faŋ Nwi nə shòꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:58

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, mə nə luu shɔ, buu vɨ ndɔ kɨ dùꞌ bì Abraham.»

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 1:11

Vətɔ vɔ́ vənshə faŋ a nə bɔŋ nə, ndɔ ndi, nshɨ-tɔ wə goꞌsə yighee muꞌ. Vətɔ vɔ́ ndɔ ta dwàŋ, yaa njwisə yaa kɨ dwaŋ nə.

Hibru 13:8

Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

2 Pita 1:17

Yia nə luu shɔ maa yighee njyə faŋ Nwi nə də̀ məkwalə Yeso Kristo nə feenə wi. Yia nə zɔ̀ faŋ Nwi, faŋ ŋwə kìi wutə kənshə nə, nə gì laa, «Lùu ŋwiŋ ŋwaa nə faŋ mə kàw ŋwə. Ŋwə baw too mə dɨdɨꞌ.»

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:17

Mə kɨ ye ŋwə, gù ghuu ŋwə yaa ŋku wə. Ŋwə mɔꞌ ghɔ ki maꞌnə maa mə, gì laa, «Kɨ ghɔ fee me, lùu mə, faŋ mə nə luu vɨsɨ, baa lùu yiba,

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»

Reveleyshən 2:18

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Tiateyra, nyɔꞌ laa lee, «Wee Nwi faŋ sɨ ghi bii yaa wisə, ghuu ghi luu yaa bwey bay faŋ vɨ fùusə fɨ taa bɨꞌ ndaa-dɨŋ laa,