2 Kɔrintian 1:12 - Vengo (Babungo)

¹² Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 1:12 ပူးပေါင်းရင်းမြစ်များ

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Roma 9:1

Mə gi ŋkee nu yinsəŋ maa yizii Kristo, kee sɨɨ ba me. Fwi nyaa nɨzi, faŋ Zwitə Ley Nwi lùu taa tey yi, biŋ laa mə gi nu yinsəŋ.

1 Kɔrintian 1:17

Kristo nə kee tɔ̀ŋ mə laa mə kɨ toꞌ kɔ muu mə Nwi tɨ́ vɨɨ me. Ŋwə nə tɔ̀ŋ mə laa mə kɨ toꞌ fɨꞌtə ntɔŋ yijəə Nwi tɨ́ vɨɨ. Mə nəə kee toꞌ gisə yigi yisɨꞌsə nə yigisə tɔ ley maa məyɨ laa vɨɨ biŋ ntɔŋ yɔ́ me. Mə nəə kəə laa vɨɨ kɔꞌ kɨɨ nə ŋiꞌ yiku Yeso faŋ ŋwə nə kù tɔ nsiŋ fuu fəŋkɔꞌ fə ŋkɨꞌsə nə. Kɨ ŋkə gu nu dayday tɨ́ vəŋ me.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 2:13

Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

1 Kɔrintian 4:4

Yinsəŋ, mə kee kɨ̀ɨ nə nu faŋ mə gù me. Luu nə, kee ndɔ shia mə shia nsɔꞌ tɔ nyaa yuu lee nsɔꞌ me. Sɔꞌ sheꞌ Nwi sɔꞌ mə faŋ mə kìi nsɔꞌ.

1 Kɔrintian 5:8

Nɨniŋ, nsiŋ kɨ duꞌ nə məŋaytə, kee kɨ kii nu maa məyɨ nə nu bwə me. Kɨ nu bwə saynə taa ŋwaa nsiŋ me. Bàw nsiŋ bee kɨ kii yɨ jəə, beꞌsə jəə Nwi nə fwi yimuꞌ. Nsiŋ kɨ toꞌ yitoꞌ nyaa-nsiŋ maa jɨɨ Nwi yinsəŋ.

2 Kɔrintian 1:17

Faŋ mə nəə kəə nɨniŋ nə, mə nəə bəŋ bə̀ŋ mu? Mə nə kɔ̀ꞌnə vənu vaŋ yaa vɨɨ taa mbi faŋ vəŋ biŋ ɔŋ nə bey maa yighee muꞌ mu?

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Kɔrintian 8:8

Mə kee gì nee maa məkɔ sɔꞌ tɨ́ viŋ me. Mə də̀ fwi njyə faŋ vɨɨ mɔ́ꞌ kìi maa məgaŋtə, tɨ́ kaꞌ mə ndɔ kɨɨ faŋ ŋkawnə yiŋ dùꞌ.

Galatia 6:4

Bàw wə nə wə kɨ mɔŋ sheꞌ ŋgwinə faꞌ faŋ ŋwə faꞌ, laa ŋwə lùu jəə mu? Ŋwə taa luu jəə, buu ŋwə taa ŋaytə maa faꞌ ŋgwə faŋ ŋwə faꞌ. Luu nə, bàw ŋwə yɨ nɨniŋ sheꞌ ŋgɨɨ-ŋwə, kee kɨ fɨꞌ maa nu wə dɨday me,

Efesɔs 6:14

Nɨniŋ, viŋ tɨŋnə, shùŋ nu yinsəŋ ŋiꞌ viŋ yaa kɔtə. Njwi yighaw yiŋ luu laa viŋ duꞌ sheꞌ taa nu loomə.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

1 Tesalonika 2:10

Nshɨ-tɔ wiŋ, nə Nwi, nə ye nə yisɨ faŋ nshinə yia nə luu yiley, baa lùu yiloomə taa ŋwaa viŋ, yia kee gu tuu nu maa viŋ, faŋ viŋ nùŋ fwi siŋ maa Nwi nə me.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,