2 Kɔrintian 1:1 - Vengo (Babungo)

¹ Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

2 Kɔrintian 1:1 ပူးပေါင်းရင်းမြစ်များ

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

Roma 16:21

Timoti, faŋ yia ŋwə faꞌ mɔ́ꞌ nə, nə Lusiɔs, nə Jason, nə Sosipata, faŋ lùu vɨɨ shɨ vaŋ nə, shɔꞌtə viŋ.

Roma 16:5

Viŋ shɔꞌtə vəŋ, baa shɔ̀ꞌtə nshəŋtə vɨɨ Kristo fɨ taa ŋii vəŋ, baa shɔ̀ꞌtə Epaynetɔs, faŋ mə kàw ŋwə nə. Ŋwə nə luu mfɔŋ wə faŋ ŋwə nə fìŋ tɔ ki tɨ́ Kristo fɨ shɨ Asia.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 16:10

Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

1 Kɔrintian 16:15

Vaŋ-nshwi vaŋ, gə̀ fɨ maa Stefanas, viŋ kɔꞌ kɨɨ laa ŋwə nə luu mfɔŋ wə fɨ nsi Akaya faŋ ŋwə nə bìŋ nu Nwi. Ŋwə baa luu tweꞌ ghɔ vɨ vɨɨ vi laa vəŋ taa faꞌ maa məgaŋtə vɨɨ Nwi.

1 Kɔrintian 16:24

Mə nùŋsə viŋ vənshə taa fwi mə, buꞌ laa nsiŋ vənshə lùu fa kəmuꞌ, nsiŋ vɨ Yeso Kristo.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

2 Kɔrintian 1:19

Nshɨ-tɔ Yeso Kristo, wee Nwi, faŋ mə nə fɨ̀ꞌtə kɔ̀ŋ ŋwə taa ŋwaa viŋ, yia Silas nə Timoti, ŋwə nɨzi kee lùu ɔŋ nə bey me. Ŋkee yinsəŋ, Nwi nə gì laa ɔŋ tɨ́ nsiŋ ŋkee maa nu kwalə buꞌ ŋwə.

2 Kɔrintian 1:23

Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 11:10

Mə gì ntee buꞌ yinsəŋ Kristo fɨ taa fwi mə laa, kaꞌ wə kee fə̀ŋ mə fɨ maa nu kɔ́ fɨ nsi Akaya me, fɔnə faŋ mə faꞌ tɨ́ viŋ, kee ndeynə vəndɔꞌnə me, faŋ lùu nu məŋaytə shee.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

Galatia 1:1

Tɔ̀ŋ mə, Pɔɔl, tɔ̀ŋ ŋwaꞌlə ŋwə̀ tɨ́ nshəŋtə vɨɨ məbiŋ Kristo fɨ shɨ Galatia. Mə lùu wuu ntɔŋ Yeso Kristo. Kee tɔ̀ŋ vɨɨ tɔ̀ŋ mə maa məfaꞌ faꞌ ŋwaa ŋwə̀ me. Kee shòꞌ vɨɨ shòꞌ mə me. Nə shoꞌ ŋkee nshɨ-tɔ Yeso shòꞌ mə, tɔ̀ŋ mə, ghɔ Nwi faŋ lùu Tii ŋwaa-nsiŋ, faŋ ŋwə nə ywèysə Yeso fɨ shɨ yiku nə.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

1 Timoti 1:1

Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.

2 Timoti 1:1

Lùu mə, Pɔɔl, wuu ntɔŋ Yeso Kristo, faŋ nshɨ-tɔ Nwi nə nùŋsə mə maa faꞌ ghɔ́, laa mə kɨ fɨꞌtə nu məbwey vəlwaŋ faŋ Nwi ndɔ kɔ tɨ́ vɨɨ buꞌ Yeso Kristo nə.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Hibru 13:23

Mə kəə laa viŋ kɨɨ laa vɨ fuusə weenshu ŋwaa-nsiŋ Timoti fɨ mfiŋ. Ŋwə taa jwi, kee betə me, yia ŋwə ndɔ jwi yɨ viŋ mɔ́ꞌ.