3 Kɔ feenə tɨ́ vəki ŋkusə, faŋ vəŋ dùꞌ tɔ vəŋ.
buu kaꞌ vɨ meꞌtə ŋwə, ŋwə kee baa bəŋsə tii wi nə nshu wi me. Nɨniŋ, viŋ shiasə ntɨsə Nwi buꞌ nuŋsə yiŋ.
Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.
Ŋwə kɨ nii shì yaa zu ŋku ziꞌ ŋuꞌ njɔsə-yishwe muu-yimfɔŋ. Ŋwə nə shì sheꞌ taa ŋii Nwi yikwalə, kee baa fùu fɨ fuŋ me, zwisə nə jɨŋ, shɔꞌtə Nwi vətuꞌ nə shɨshwi. Nə luu faꞌ wi tɨ́ Nwi nɨniŋ.
Ŋwə kɨ ziꞌ ntɨꞌ yɔ́, yè vɨɨ faŋ vəŋ nə shàꞌ ŋku wə, fùu nə ŋkə fɨ taa shɨ. Wee ghɔ́ faŋ ŋwə nə ku nə, nə luu sheꞌ muꞌ ghɔ nshu wi. Wəzwi ghɔ́ baa lùu zu ŋku. Vɨɨ vəyaŋ fɨ taa ntɨꞌ yɔ́ nə luu yɨ wəzwi ghɔ́.
Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»
Nə luu maa yighee yɔ́, faŋ nwaa vɨɨ Yeso nə yàŋ, ntay fuu taa ŋwaa vɨɨ Jus faŋ vəŋ nəə gisə ghaŋ Griik, nə ŋkee vɨɨ Jus faŋ vəŋ gisə ghaŋ Jus. Vɨɨ faŋ vəŋ nəə gisə ghaŋ Griik lulə laa vɨ shiasə vəki ŋkusə vəŋ, kee kɔ vəŋ nə vətɔ mbɨə faŋ vɨ kɔ tɨ́ vɨɨ ŋɨꞌ vəmɔ́ꞌ nə me.
Pita ndɔ fɨ nsi, ghɔ vɨ vəŋ gə, kɨ ziꞌ yifi, vəŋ ndi ŋwə, kòꞌ nə ŋwə taa ŋii yizɔ. Vəki ŋkusə vənshə baytə kɨ gwia, dəsə njwisə faŋ wəzwi ghɔ́ nə naysə̀, kɔ̀ tɨ́ vəŋ, faŋ ghɔ vɨ vəŋ nə luu.
Pita nesə ghɔ ki, shàꞌsə ŋwə yizɔ, kɨ nii tìi vɨɨ məbiŋ nu Yeso nə vəki ŋkusə, kɔ ŋwə tɨ́ vəŋ, bwey.
Yia nə kee kəə laa viŋ, tɨꞌnə me vɨɨ mɔ́ꞌ, kɨ bəŋsə yia me,
tɨsə vəki vətaavə yaa vənshwi və, tɨsə zawə mbə vəki yaa vaŋ-nshwi və nɨzi, jiatə ŋwaa tɨ́ vəŋ maa vənu vənshə.
Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.
Viŋ bəŋsə vɨɨ vənshə yuu ŋkə kùꞌnə, kaw vaŋ-nshwi viŋ, baa fèe Nwi, baa bə̀ŋsə fwàŋ.
Gə fɨ maa viŋ, vəndɔŋ, viŋ duꞌ jəə viŋ vɨ vəki viŋ. Viŋ kɨ tɔfə buꞌ laa viŋ kɔꞌ kɨɨ laa wutə vəki kee kùꞌ ghɔ ŋkiŋ me. Viŋ kɨ zɔnə vəŋ nɨzi, buꞌ laa Nwi kɔ̀ məbwey vəlwaŋ tɨ́ viŋ vɨ vəŋ vənshə dayday. Viŋ kɨ yɨ nɨniŋ, tɨ́ kaꞌ nu kəmuꞌ kee ghɔ̀ꞌ viŋ faŋ viŋ shɔꞌtə Nwi me.
