1 Timoti 3:2 - Vengo (Babungo)

² Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 3:2 ပူးပေါင်းရင်းမြစ်များ

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Lukas 2:36

Nshiiŋii-sɔghɔ mɔ́ꞌ nə luu shɔ nɨzi, faŋ nə luu wəzwi, yizii yi luu Ana. Ŋwə luu wee Fanuel, wuu ŋiꞌ ŋii Asha. Ŋwə nə dwàŋ dɨdɨꞌ. Ndəə wi nə ku fɨshi. Ŋwə nə ta, ndàa ndəə wi, shì ghɔ ŋwə sheꞌ maa ŋuꞌ kwatia, ndəə wi kɨ nii yiku.

Roma 12:13

Viŋ kɨ gaŋtə vɨɨ ley Nwi mbɨə faŋ vəŋ bəə fa, ndi vəndɔ taa ndɔꞌ viŋ nə fwi yijəə.

Filipi 2:15

Nɨniŋ laa viŋ ndɔ baw shɨlə, tuu wee-ndoꞌ kee lùu maa viŋ me, viŋ luu vaŋ Nwi yinsəŋ, faŋ vəŋ kee kìi nu bwə taa fwisə vəŋ me. Viŋ lùu vaŋ ley Nwi taa ŋwaa vɨɨ, faŋ fwisə vəŋ lùu sətwiŋkə, vəŋ baa lùu vɨɨ vənu vəbwəvə. Viŋ luu taa ŋwaa vəŋ yaa məjwiŋ faŋ mbə bee fɨ taa yizɔ nə.

1 Timoti 3:12

Bàw vɨɨ faꞌ taa ŋii Nwi luu vɨɨ faŋ vəŋ ndaa wəzwi muꞌ muꞌ, sɔꞌ vaŋ vəŋ nə ŋii vəŋ jəə.

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

1 Timoti 4:3

Vɨɨ vɔ́ deesə laa lùu nu bwə maa məndaa, baa nə maa məzɨ taŋ fazɨ mɔ́ꞌ, faŋ fazɨ kɔ́ kɔlə lùu fa faŋ Nwi nə bɔ̀ŋ, tɨ́ kaꞌ vɨɨ mbɨə faŋ vəŋ nùŋ fwi vəŋ maa ŋwə, nə vɨɨ faŋ vəŋ kɨɨ nə nu yinsəŋ, kɨ zɨ, bwaŋ Nwi shɔ.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 5:22

Kɨ mɔꞌ ghɔ ghə tɔ wə titi me, kɨ shiinə ŋwaa wə laa a kee jɔmə vɨɨ taa vənu vəbwəvə vəŋ me. Bàw a kɨ shiŋnə ŋwaa wə laa vənu və ley.

1 Timoti 5:9

Nɨniŋ nə, bàw vɨ kwaŋ yizii zu ŋku taa ŋwaꞌlə vəki ŋkusə faŋ vɨ yaa kɨ gaŋtə vəŋ nə, sheꞌ faŋ ŋwə zìꞌ ŋuꞌ muu-ntɔfə, ndəə wi nə luu sheꞌ muꞌ.

2 Timoti 2:24

Bàw laa wuu faꞌ tɨta Kristo bwaŋnə tɨ́ vɨɨ vənshə, kee kɨ nywenə nywaŋsə me. Bàw ŋwə kɨɨ maa mədeesə nu Nwi jəə, jia fwi faŋ vɨ kɔ ŋɨꞌ tɨ́ ŋwə.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Hibru 13:2

Kɨ viŋ ndenə maa məkɨ tii vəndɔ faŋ vəŋ jwi yɨ viŋ me, tɨ́ kaꞌ viŋ vɨ vəŋ shì mɔ́ꞌ. Viŋ kɔꞌ kɨɨ laa vɨɨ mɔ́ꞌ faŋ vəŋ nə yɨ̀sə nɨniŋ, vəŋ nə jìa luu nshiisə-ŋiisə Nwi, faŋ vəŋ nə kɔlə kee yikɨɨ me.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 4:9

Viŋ kɨ ŋiisə vaŋ-nshwi viŋ taa ndɔꞌ viŋ, zəsə vəŋ, kee lùlə me.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.