1 Timoti 2:3 - Vengo (Babungo)

³ Lùu nu faŋ ŋkə bàw sɨ Nwi, wuu məbweysə ŋwaa-nsiŋ,

1 Timoti 2:3 ပူးပေါင်းရင်းမြစ်များ

Lukas 1:47

Zwitə kaŋ ŋaytə, bəŋsə Nwi, wuu məbweysə ŋwaa,

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

1 Timoti 1:1

Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

1 Timoti 5:4

Kɨ luu zu ŋku kìi vaŋ vi, tɨꞌnə me vaŋ vaŋ vi, bàw laa vaŋ vɔ́ bɨ zwetə maa məfee Nwi fu vəŋ, bəŋsə vənu vəjəəvə tɨ́ vənshwi vəvəŋ, buꞌ laa luu ŋkee nu ŋkɨə faŋ ŋkə kùꞌnə tɨ́ Nwi.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

Hibru 13:16

Kɨ viŋ ndenə maa məyɨ jəə tɨ́ vɨɨ mɔ́ꞌ me. Viŋ gaŋtə yiŋwaa yiŋ, viŋ viŋ, buꞌ laa lùu kəŋ ndey mɔ́ꞌ faŋ nyə bàw tɨ́ Nwi.

1 Pita 2:20

Kɨ luu laa viŋ jia fwi yiŋ maa ŋɨꞌ faŋ vɨ sàŋ viŋ buꞌ nu bwə faŋ viŋ nə yɨ̀sə, buu nu kɔ́ kee lùu nu jəə me. Luu nə, vɨ kɨ luu kwaŋ viŋ taa ŋɨꞌ faŋ viŋ yɨsə sheꞌ vənu vəjəəvə, viŋ kɨ jia fwi siŋ maa yighee yɔ́, bìŋ nə fwi yijəə, buu Nwi kaw viŋ.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.