1 Timoti 2:2 - Vengo (Babungo)

² Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

1 Timoti 2:2 ပူးပေါင်းရင်းမြစ်များ

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Roma 12:18

Viŋ kəə jɨɨ maa məduꞌ nyɔŋ viŋ vɨ vɨɨ vənshə. Kɨ ŋgaasə ndɔ fɨ kwiŋ viŋ me.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Tesalonika 4:11

Viŋ kɨ tə sɨ maa məduꞌ bwaŋnə, baa nə laa wə tɨ̀ me wə kɨ ndeynə nu ki, faꞌ faꞌ nə ghɔ ghi maa məkii fazɨ, sheꞌ faŋ yia nə duꞌtə yia tɨsə viŋ shɔ nə.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.