1 Timoti 1:9 - Vengo (Babungo)

⁹ Nsiŋ baa kɨɨ laa ntɨsə sɔ́ kee lùu nu tɨ́ wə ntɨə faŋ nu ki lùu kəloomə me, luu sheꞌ tɨ́ vɨɨ məsuꞌtə ntɨsə nə vɨɨ məbuulə, nə tɨ́ vɨɨ faŋ vəŋ kee tìi Nwi nə nu me, baa yɨsə vənu vəbwəvə, nə tɨ́ vɨɨ faŋ vəŋ kee kàw nu jəə me, shɨshiasə Nwi, nə tɨ́ vɨɨ faŋ vəŋ zwilə vətɨɨ vəvəŋ ghɔ vənshwi vəvəŋ, nə tɨ́ vɨɨ məzwilə vɨɨ,

1 Timoti 1:9 ပူးပေါင်းရင်းမြစ်များ

Galatia 3:19

Faŋ ŋkə lùu nɨniŋ, sii nə yɨ̀ kə laa Nwi kɔ ntɨsə tɨ́ vɨɨ Jus? Nwi kɔ ntɨsə sɔ́ tɨ́ nsiŋ laa nsiŋ kɨɨ nə vənu mbɨə faŋ mbə kee yibaw tɨ́ Nwi me. Ntɨsə sɔ́ nə jìa vɨɨ sheꞌ maa wee-fɨ-yighee, gə ziꞌ maa yighee njyə faŋ wuu ŋiinə Abraham ghɔ́ ndɔ jwi, faŋ Nwi nə kɔ̀ꞌnə maa məkɔ nu jəə kɔ́ tɨ́ ŋwə, laa ŋwə jwi kɔ̀ mənɔŋ-bwaŋnə tɨ́ vɨɨ nə. Nə jwì nshiisə-ŋiisə Nwi nə ntɨsə sɔ́, kɔ̀ tɨ́ Mose laa Mose kɔ tɨ́ vɨɨ. Nɨniŋ laa Mose luu nɨntəŋ ŋwaa vɨɨ fɨ taa mbi, baa nə Nwi fɨ yizɔ.

1 Pita 4:18

«Wə ntɨə faŋ ŋwə twèy nu Nwi, kɨ yɨsə vənu vəbwəvə nə, ndɔ kɨsə dùꞌ fə, faŋ wə ntɨə faŋ nu ki lùu kəloomə, ndɔ fuu fɨ taa nsɔꞌ sheꞌ nə wutə nə?»

Roma 5:20

Gə fɨ maa ntɨsə Nwi, nsə kee kìi nu shɔ me; nsə nə jwì sheꞌ laa nu bwə yàŋ. Luu nə, shəŋ ŋkɨə faŋ nu bwə lùu shɔ kəyaŋ, gəŋsə Nwi yaŋ shɔ shɔ̀ɔ ki.

Galatia 5:23

nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Roma 6:14

Kaꞌ nu bwə kee baa kɨ sɔꞌ viŋ me, buꞌ laa viŋ kee baa lùu vɨɨ faŋ vəŋ nùŋ fwisə vəŋ maa ntɨsə Nwi, kɨ kəə bweysə yiŋwaa vəŋ fɨ maa mənuŋsə ntɨsə sɔ́ me. Lùu nɨniŋ, buꞌ laa ntɨsə sɔ́ kee baa sɔꞌ viŋ me, mənɔŋ-bwaŋnə Nwi sɔꞌ viŋ.

Roma 1:30

nə məsɨɨ ba tɔ wə, nə məbee Nwi, nə məndasə Nwi, nə məkoꞌsə ŋwaa, nə məkii shuu yaŋnə. Vəŋ bɨꞌtə jɨɨsə səyaŋ maa məyɨ nu bwə, kee zɔnə vətɨɨ vəvəŋ me.

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

1 Pita 3:20

Vəzwitə yimbii lùu mbɨə faŋ mbə nə twèy nu Nwi yighee vɨsɨ ghɔ Noa. Nwi nə jìa fwi yi yighee yɔ́, faŋ Noa nə fìanə bay kwalə ki, faŋ mbusə vɨɨ, sɨ vɨɨ yifɔŋ, nə ŋìi taa bay kɔ́, bwèy fɨ ghɔ muu nə.

Hibru 11:31

Gə fɨ maa Rahab, wəzwi sakə wì, faŋ ŋwə nə shi Jeriko nə, ŋwə nə nùŋ fwi yi maa Nwi, buu nyɨŋ fɨ ghɔ yiku, maa yighee njyə faŋ vɨ nə ndìsə vɨɨ vənshə faŋ vəŋ nə kee bìŋ Nwi me. Ŋwə nə kee yiku me, buꞌ laa ŋwə nə ndì ŋkisə vɨɨ Isirayl, nùŋ taa ŋii ŋwə nə fwi yijəə.

2 Tesalonika 2:8

Ndɔ luu maa yighee yɔ́, wuu mətwey Nwi ghɔ́ fuu ntee. Luu nə, tɨta Yeso ndɔ zwi ŋwə sheꞌ nə zwitə shuu ki, ndìsə ŋwə maa shi ŋkɨə faŋ ŋwə ndɔ baa fuu ntee, jwì yè vɨɨ vi.

Roma 4:13

Nwi nə lɨ̀ꞌtə tɨ́ Abraham nə ŋgwisə yi laa ŋwə ndɔ zɨ mbi yinshə. Luu nə, ŋwə nə kee lɨꞌtə nu kɔ́ buꞌ vənu faŋ ŋwə nə yɨ̀ faŋ mbə kùꞌnə maa ntɨsə Nwi me. Ŋwə nə kɔ̀ꞌnə nu kɔ́ tɨ́ ŋwə buꞌ faŋ ŋwə nə nùŋ fwi yi maa Nwi, Nwi kiasə vənu vi, yɨ̀sə mbə loomə.

Matiu 10:21

Ndɔ luu maa yighee yɔ́, wə ndɔ kɨ fiŋ weenshu wi tɨ́ yiku, tɨɨ wee kɨ fiŋ ŋwiŋ wi nɨzi, vaŋ kɨ ndɔ jiatə vətɨɨ vəvəŋ nə vənshu vəvəŋ, yɨsə vɨɨ kɨ zwilə vəŋ.

1 Pita 2:7

Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Galatia 5:21

nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.

Galatia 5:18

Faŋ shiinə Zwitə Nwi shiinə viŋ, buu kaꞌ ntɨ yimɔ́ꞌ kee baa kà viŋ me.

1 Timoti 4:7

Wə kɨ luu jwi nə yigi dayday nə mətiitii mədayday mə wə mənsaw, laa lùu yigisə Nwi, a twey. Bàw a mwəsə ŋwaa wə maa nu məbəŋsə Nwi.

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

2 Timoti 2:16

Kɨ buꞌsə fɨ ghɔ vɨɨ mbɨə faŋ vəŋ gisə yigisə dayday faŋ nyə kee gàŋtə wə maa nu Nwi me, buꞌ laa vəŋ manə nu Nwi, twey nu Nwi, gə vɨsɨ vɨsɨ nə nu maa mətwey nu Nwi.

2 Timoti 3:2

Vɨɨ ndɔ kɨ kaw sheꞌ yiŋwaa yivəŋ, nə ka, baa nə nu məboꞌ ŋwaa, nə məkoꞌsə ŋwaa, baa nə məndasə Nwi, nə məshii tɨ́ vətɨɨ vəvəŋ, kee bwaŋ wə me, kee tii Nwi nə nu me,

Taytəs 1:6

Bàw laa wuu taa fɨ taa nshəŋtə vɨɨ Nwi luu wə faŋ tuu kee wee-nsɔꞌ kee lùu maa ŋwə me, zu wi baa luu sheꞌ muꞌ, vaŋ vi bìŋ nu Kristo nɨzi, kee kɨ bɨbuulə me, kee shɨshii me.

Taytəs 1:10

Vɨɨ vəyaŋ shɔ faŋ vəŋ ndì wutə, gisə yigisə dayday, buulə yitɔ yi vɨɨ. Vɨɨ mbɨə faŋ vəŋ bɨ shɔ̀ɔ taa ŋwaa vəŋ, lùu mbɨə faŋ vəŋ fùu fɨ taa ŋwaa vɨɨ mbɨə faŋ vɨ nə sɨ̀ɨtə vəŋ nə.

Ŋwaꞌlə Jud 1:15

jwi sɔꞌ nsɔꞌsə vɨɨ vənshə. Ŋwə ndɔ sɔꞌ vɨɨ bwənə vənshə buꞌ vənu vəbwəvə vəŋ faŋ vəŋ yɨsə, baa nə buꞌ yigisə yibwənə faŋ vəŋ gisə kɔ̀ŋ ŋwə.»