1 Timoti 1:3 - Vengo (Babungo)

³ Nu ŋkɨə faŋ mə nə tɨ̀ ghɔ shɔ yighee njyə faŋ mə nə ndɔ gə̀ shɨ Makedonia nə, mə baa luu naysə tɨ́ ghɔ ndwə, laa a goꞌ shɨ Efesɔs, twèy tɨ́ vɨɨ mɔ́ꞌ faŋ vəŋ kəə deesə nu Nwi kədaykə nə.

1 Timoti 1:3 ပူးပေါင်းရင်းမြစ်များ

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 18:21

gì tɨ́ vəŋ laa, «Nwi taa biŋ, mə ndɔ baa jwi.» Sheꞌ nɨniŋ, ŋwə baa kii ŋii taa bay, ndɔ̀ fɨ shɨ Efesɔs,

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Filipi 2:24

Gə fɨ maa mə, mə nùŋ fwi nyaa maa tɨta Yeso laa fɨkɨꞌ nee, mə jwi yɨ viŋ nɨzi.

1 Timoti 4:11

Tɨsə vɨɨ nə nu kɔ́, vəŋ mwəsə shɔ.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

1 Timoti 5:7

Kɨ tɨsə vəŋ buꞌ kəŋ vənu vɔ́ laa, kɨ nu bwə mɔ́ꞌ fuu taa ŋwaa vəŋ me.

1 Timoti 6:10

Nu məkaw ka lùu nu faŋ vənu vəbwəvə fuu vəyaŋ fɨ fuŋ. Vɨɨ vəyaŋ faŋ vəŋ nə kàw ka, ndì jɨɨ, mèꞌ məbiŋ vəŋ, ndɨ́ə yiŋwaa yivəŋ ŋkee dɨdɨꞌ.

1 Timoti 6:17

Kɨ̀ tɨsə vɨɨ faŋ lùu vɨɨ təka maa yighee mbi nyə̀ laa, kɨ vəŋ kɨ koꞌsə ŋwaa me, kee kɨ nuŋ fwi vəŋ maa ka faŋ lùu fa dayday me. Bàw vəŋ nuŋ fwi vəŋ sheꞌ maa Nwi, faŋ kɔ ŋwə kɔ vətɔ vənshə tɨ́ nsiŋ, mbə yaŋ, nsiŋ zɨ nə.

1 Timoti 6:3

Wə kɨ luu kɨ deesə nu Nwi kədaykə, kee bìŋ yigisə tɨta ŋwaa-nsiŋ Yeso Kristo, faŋ lùu nu yinsəŋ nə me, buu wə ghɔ́ koꞌsə ŋwaa wi. Wə kɨ luu kɨ deesə nu faŋ ŋkə kee kùꞌnə maa məbəŋsə Nwi shɔ me,

2 Timoti 1:18

Bàw tɨta Yeso yɨsə tɨta Nwi kee gəŋ si maa shi vəndwə və mbi. Nshɨ-tɔ wə kɔꞌ kɨɨ nə vəfaꞌ vəkwalə mbɨə faŋ ŋwə nə gàŋtə nsiŋ shɨ Efesɔs.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.