1 Timoti 1:2 - Vengo (Babungo)

² Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 1:2 ပူးပေါင်းရင်းမြစ်များ

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Galatia 1:3

Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ nə məduꞌ-nyɔŋ.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Timoti 1:12

Mə bwaŋ tɨta ŋwaa-nsiŋ Yeso Kristo faŋ ŋwə nə kwàŋ wutə maa mə. Mə bwaŋ ŋwə buꞌ laa ŋwə nə biŋ mə laa mə lùu wuu yinsəŋ, tɨ́ kaꞌ ŋwə nùŋ mə maa faꞌ wi.

1 Timoti 1:18

Ŋwiŋ ŋwaa Timoti, mə kɔ ntɨ tɨ́ ghɔ ndwə laa a kuꞌsə maa vənu mbɨə faŋ nshiisə-ŋii sɔghɔ nə gì tɨ́ ghɔ maa yighee vɨsɨ, laa a tùŋ yighaw yijəənə buꞌ vənu vɔ́ faŋ vɨ nə gì nə.

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

2 Timoti 1:2

Mə tɔŋ ŋwaꞌlə ŋwə̀ tɨ́ ghɔ, ŋwiŋ ŋwaa Timoti, faŋ mə kàw ghɔ. Tɨta Nwi ghɔ tii ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ məduꞌ-nyɔŋ tɨ́ ghɔ!

2 Timoti 2:1

Faŋ ŋkə lùu nɨniŋ, gə fɨ maa ghɔ, ŋwiŋ ŋwaa, kɨ weꞌ maa nu ŋkɨə faŋ Nwi gaŋtə ghɔ shɔ nə, fɨ yiba Yeso Kristo.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Taytəs 3:15

Vɨɨ vənshə faŋ yia vɨ vəŋ lùu mɔ́ꞌ, shɔꞌtə ghɔ. Shɔꞌtə vɨɨ mbɨə faŋ vəŋ kaw yia, buꞌ nu Kristo, faŋ nsiŋ nùŋ fwi saŋ-nsiŋ maa ŋwə nə, tɨ́ yia. Nwi tu mənɔŋ-bwaŋnə tɔ viŋ vənshə!

1 Pita 1:2

Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

2 Jɔn 1:3

Tɨta Nwi ghɔ ŋwiŋ wi Yeso Kristo, kee gəŋ saŋ-nsiŋ, kɔ nsiŋ nə mənɔŋ-bwaŋnə nə məduꞌ-nyɔŋ. Mbə luu mbaŋ-nsiŋ fɨ taa yinsəŋ baa nə ŋkawnə.

3 Jɔn 1:4

Nu məŋaytə kee lùu shɔ faŋ ŋkə shɔ̀ɔ yiŋkii me, laa mə zɔ laa vaŋ vaŋ toꞌ yitoꞌ yivəŋ fɨ yiba nu ŋkɨə faŋ ŋkə lùu nu yinsəŋ.

Ŋwaꞌlə Jud 1:2

Nwi kee gəŋ siŋ, tu mənɔŋ-bwaŋnə tɔ viŋ, də ŋkawnə yi tɨ́ viŋ ghee nshə!