1 Tesalonika 3:3 - Vengo (Babungo)

³ laa kɨ tuu wə fɨ wiŋ bəŋ yiba buꞌ ŋɨꞌ njyə faŋ nyə ŋìi maa viŋ ndwə nə me, faŋ vɨ jiatə viŋ, yɨ nə viŋ nə. Viŋ baa luu kɨɨ laa lùu nu kaŋ-nsiŋ maa məye ŋɨꞌ nɨniŋ.

1 Tesalonika 3:3 ပူးပေါင်းရင်းမြစ်များ

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 2:25

Maa fwàŋ Deyvid nə gì kɔ̀ŋ ŋwə fɨshi laa, «Mə ye tɨta ŋwaa ghee nshə; ŋwə lùu maa kwiŋ maꞌnə ŋwaa, tɨ́ kaꞌ mə kee baa lɔꞌ me.

Akts 21:11

jwì yè yia, ndì kɔtə Pɔɔl, kà ghɔ ghi nə ghuu ghi shɔ, gì laa, «Zwitə Ley Nwi gì laa, vɨɨ Jus ndɔ ka ŋgɔɔ kɔtə nyə̀ ntɨꞌ Jerusalem sheꞌ nee, ndì ŋwə, kɔ̀ tɨ́ vɨɨ tətɔŋ fu.»

Akts 21:13

Luu nə, Pɔɔl kee kaw zɔ me, gì laa, «Viŋ sii yɨ̀ kə, gwia tɨ́ kə? Kɨ viŋ yɨsə fwi nyaa lɔꞌ me! Mə duꞌtə mə biŋ laa vɨ kwaŋ mə mfiŋ Jerusalem. Mə biŋ ŋkee maa məku buꞌ yizii tɨta Yeso.»

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Roma 5:3

Faŋ nsiŋ boꞌ ŋwaa nɨniŋ, kaꞌ nsiŋ kɨ boꞌ ŋwaa ŋkee taa ŋɨꞌ, buꞌ laa nsiŋ kɔꞌ kɨɨ laa ŋɨꞌ yɔ́ yɨsə nsiŋ zwetə maa məjia fwi saŋ-nsiŋ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

1 Kɔrintian 4:9

Luu nə, mə bɨꞌtə laa Nwi nùŋsə yia, vɨɨ ntɔŋ vi, ŋkee nsi. Yia lùu yaa vɨɨ faŋ vɨ sɔꞌ nsɔꞌ vəŋ, shia laa vɨ zwilə vəŋ. Yia luu sheꞌ yaa vɨɨ taa vəghày faŋ mbi yinshə ŋkwəŋ nə nshiisə-ŋiisə Nwi nə wə mənsaw ye yia nə.

Efesɔs 3:13

Nɨniŋ, mə buꞌ ghɔ laa kɨ viŋ bwa maa ŋɨꞌ njyə faŋ nyə ŋìi maa mə buꞌ viŋ me, buꞌ laa lùu nu faŋ ŋkə də̀ laa Nwi kaw viŋ.

Filipi 1:28

Mə taa baa kaw maa məye, tɨꞌnə me maa məzɔ laa viŋ kee fèe vɨɨ mbeenə viŋ me, maa vənu vənshə me. Yiŋkii taa də tɨ́ vəŋ laa vɨ ndɔ ndisə vəŋ. Gə fɨ maa viŋ, viŋ ndɔ kɨɨ fɨ fuŋ laa Nwi ndɔ bweysə viŋ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

1 Tesalonika 5:9

Viŋ yɨ nɨniŋ buꞌ laa Nwi nə kee nùŋ nsiŋ laa nsɔꞌ yi ndɔ jia nsiŋ me. Ŋwə nə tìi nsiŋ laa nsiŋ ndɔ zɨ məbwey vəlwaŋ fɨ yiba tɨta ŋwaa-nsiŋ Yeso Kristo,

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

1 Pita 2:21

Nwi tìi viŋ laa viŋ biŋ ŋɨꞌ nɨniŋ, buꞌ laa nshɨ-tɔ Kristo nə bìŋ ŋɨꞌ buꞌ viŋ, meꞌtə shwenə tɨ́ viŋ, laa viŋ beꞌsə ghuu ghi.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 2:13

«Mə kɔꞌ kɨɨ nə shəŋ ŋkɨə faŋ a shi shɔ nə. Lùu shəŋ ŋkɨə faŋ ŋkaw Satan, tɨɨ vəzwitə vəbwəvə, lùu shɔ. Luu nə, a kee bìŋ ŋwə me; a jìa luu yizii nyaa. A nə kee ta twey maa məbiŋ nu kaŋ me. A nə jìa nu kaŋ ŋkee maa yighee njyə faŋ vɨ nə zwi Antipas, faŋ ŋwə nə bìŋ nu kaŋ ntee nə fwi yijəə nə, shɨ viŋ, faŋ Satan shi shɔ nə.