1 Pita 5:9 - Vengo (Babungo)

⁹ Viŋ tɨŋ weꞌ maa mənywenə ŋwə. Məbiŋ wiŋ weꞌ! Viŋ kɔꞌ kɨɨ laa vaŋ-nshwi viŋ faŋ vəŋ bìŋ Nwi fɨ taa mbi yinshə, kɨ ye ŋɨꞌ sheꞌ nɨndɨŋ.

1 Pita 5:9 ပူးပေါင်းရင်းမြစ်များ

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

Efesɔs 4:27

Kɨ viŋ kɔ jɨɨ tɨ́ tɨɨ vəzwitə vəbwəvə laa ŋwə ŋii taa ŋwaa viŋ me.

Efesɔs 6:16

Viŋ nuŋ fwi siŋ maa Kristo nə vənu vənshə. Luu ŋkəsə yighaw yiŋ, faŋ kaꞌ viŋ ndɨ̀ɨsə wisə Satan faŋ ŋwə kəə tuŋ maa viŋ nə.

Kɔlɔsii 2:5

Nɨniŋ, faŋ mə kɔlə lùu ntaŋ fɨ yɨ viŋ nə, fwi nyaa lùu ghɔ viŋ taa ŋwaa viŋ. Mə kìi məŋaytə ŋkee dɨdɨꞌ, buꞌ laa mə kɔꞌ kɨɨ laa viŋ dùꞌ jəə, baa nùŋ fwi siŋ maa Kristo, tɨ̀ŋnə weꞌ maa nu Kristo.

1 Tesalonika 3:3

laa kɨ tuu wə fɨ wiŋ bəŋ yiba buꞌ ŋɨꞌ njyə faŋ nyə ŋìi maa viŋ ndwə nə me, faŋ vɨ jiatə viŋ, yɨ nə viŋ nə. Viŋ baa luu kɨɨ laa lùu nu kaŋ-nsiŋ maa məye ŋɨꞌ nɨniŋ.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

2 Timoti 3:12

Sheꞌ nɨniŋ, vɨ taa kɨ shoꞌ ghuu vɨɨ vənshə faŋ vəŋ kəə kɨ toꞌ ghuu yitoꞌ vəŋ fɨ yiba Yeso Kristo, yuu ŋkə bàw tɨ́ Nwi.

2 Timoti 4:7

Mə tùŋ yighaw yijəənə, ghuu yitoꞌ kaŋ ndwə̀. Mə kee bee mèꞌtə nu Kristo faŋ mə nùŋ fwi nyaa maa ŋwə nə me.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.

Hibru 12:8

Nwi nəə toꞌ kee kɨ yɨsə laa viŋ ye ŋɨꞌ me, faŋ vaŋ vi vənshə ye ŋɨꞌ nə, buu ŋkə lùu laa viŋ kee lùu ŋkee vaŋ vi me, buu viŋ luu sheꞌ vəndɔ.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

1 Pita 1:6

Nɨniŋ, viŋ kɨ ŋaytə buꞌ vənu vɔ́, ŋkee ndwə faŋ yighee mɔ́ꞌ viŋ lɨluŋ, buꞌ məmɔŋ faŋ viŋ yè jɨɨsə jɨɨsə. Məmɔŋ ghɔ́ luu sheꞌ maa kuŋtə yighee.

1 Pita 2:21

Nwi tìi viŋ laa viŋ biŋ ŋɨꞌ nɨniŋ, buꞌ laa nshɨ-tɔ Kristo nə bìŋ ŋɨꞌ buꞌ viŋ, meꞌtə shwenə tɨ́ viŋ, laa viŋ beꞌsə ghuu ghi.

1 Pita 3:14

Nɨniŋ, viŋ kɨ luu kɨ ye ŋɨꞌ, buꞌ faŋ viŋ yɨsə vənu vəjəəvə, buu mənɔŋ-bwaŋnə lùu tɨ́ viŋ. Nɨniŋ, kɨ viŋ baa fee nu faŋ vɨɨ fèsə viŋ nə ŋkə me; kɨ viŋ baa kɨ gwəkə me!

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 6:11

Vɨ kɨ nii kɔ̀ njwi yimɔ́ꞌ yifusə tɨ́ wə tɨ̀ me wə fɨ taa ŋwaa vəŋ, nàysə tɨ́ vəŋ laa vəŋ shəŋ ŋwaa tɨtiꞌ, gə̀ kɔ̀ tɨ́ yighee njyə faŋ nwaa vəŋ taa lwaŋ, faŋ vɨ ndɔ baa zwilə vaŋ-nshwi vəŋ, vɨɨ faꞌ Nwi, mbɨə faŋ vɨ ndɔ baa zwilə vəŋ yuu vɨ nə zwìlə viŋ nə.

Reveleyshən 7:14

Mə gì tɨ́ ŋwə laa, «Tɨta ŋwaa, kɨ̀ɨ ghɔ.» Ŋwə gi shee laa, «Lùu vɨɨ mbɨə faŋ vəŋ fùu fɨ taa ŋɨꞌ yiyaŋ, sɔ̀ njwisə vəŋ nə mənshi mə bi-njɨɨ yɔ́, yɨ̀sə nsə ley, buꞌ faŋ vəŋ nə nùŋ fwisə vəŋ maa wə ntɨə faŋ ŋwə nə kù tɔ vəŋ nə.