1 Pita 5:8 - Vengo (Babungo)

⁸ Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

1 Pita 5:8 ပူးပေါင်းရင်းမြစ်များ

Matiu 13:39

Wuu mbeenə ghɔ́ faŋ ŋwə nə mɔ̀ꞌ ŋwa ghɔ́ nə, luu tɨɨ vəzwitə vəbwəvə. Yighee njyə faŋ say ghɔ́ ndɔ ta yɔŋ nə, lùu yighee vəndwə və mbi. Vɨɨ məbaytə say ghɔ́ lùu nshiisə-ŋiisə Nwi.

Matiu 24:42

Nɨniŋ, viŋ kɨ shi nə yikɨꞌ, buꞌ laa viŋ kee kɨɨ nə shi ŋkɨə faŋ Tɨta wiŋ ndɔ jwi shɔ nə me.

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 4:1

Yiŋkii kɨ mè, Zwitə Ley Nwi suŋ Yeso, ŋwə gə tɔɔ waꞌsə, tɨɨ vəzwitə vəbwəvə mɔŋ ŋwə.

Matiu 4:11

Ŋwə nə gì nɨniŋ, tɨɨ vəzwitə vəbwəvə ndɔ fɨ yɨ ŋwə, gə̀. Nshiisə-ŋiisə Nwi kɨ nii jwì yɨ ŋwə, fàꞌ tɨ́ ŋwə.

Mark 4:15

Vɨɨ mbɨə faŋ ŋgwisə say vəŋ fìŋkə jɨɨ, lùu vɨɨ mbɨə faŋ vɨ mɔ̀ꞌ yigisə Nwi, vəŋ kɨ zɔ, tɨɨ vəzwitə vəbwəvə jwi, shə̀ fɨ tɔ vəŋ, fì nu ŋkɨə faŋ vɨ mɔ̀ꞌ taa fwisə vəŋ, gə̀ nə ŋkə.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 22:31

Yeso kɨ nii gì tɨ́ Pita laa, «Saymon, Saymon, tɨɨ vəzwitə vəbwəvə kəə mɔŋ viŋ, sheꞌ yaa wə faŋ ŋwə səə bee, fuusə vəghɔ fɨ taa tey yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

2 Kɔrintian 2:11

Nsiŋ yɨ nɨniŋ laa kɨ Satan, tɨɨ vəzwitə vəbwəvə, kee kɨ bweꞌsə nsiŋ me. Maa nsiŋ kɔꞌ kɨɨ nə ŋkɨɨ yi.

Efesɔs 4:27

Kɨ viŋ kɔ jɨɨ tɨ́ tɨɨ vəzwitə vəbwəvə laa ŋwə ŋii taa ŋwaa viŋ me.

Efesɔs 6:11

Viŋ shuŋ vətɔ və yighaw və Nwi, laa viŋ kɨɨ maa məghɔꞌ Satan, tɨɨ vəzwitə vəbwəvə, maa jɨɨsə nsɨə faŋ lùu jɨɨsə mənay sənshə, faŋ ŋwə tuŋ viŋ shɔ nə.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

1 Timoti 2:9

Gə fɨ maa vəki, bàw vəŋ naysə ŋwaa vəŋ nə njwi faŋ nyə kùꞌnə maa vəŋ, la yiŋwaa jəə, kee ba tɔ nə vəlɔꞌ vəyaŋnə me, buꞌ vɨɨ tə sɨ shɔ, tɨꞌnə me shùŋ vətɔ və goolə me, tɨꞌnə me vəlɔꞌ vəmɔ́ꞌ me, tɨꞌnə me mɔ̀ꞌ njwisə ka me.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Taytəs 2:4

Nɨniŋ laa vaŋ-vəki zwètə maa məduꞌ bwaŋnə, kàw vəndəə vəvəŋ nə vaŋ vəŋ,

Taytəs 2:6

Gə fɨ maa vəndɔŋ və zawə, tɨ vəŋ laa vəŋ kɨ shiinə yiŋwaa yivəŋ.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

Reveleyshən 12:10

Mə kɨ nii zɔ gɨ wə gi fɨ yizɔ ŋkee nəŋay laa, «Nu məbweysə vɨɨ faŋ Nwi bweysə vɨɨ nə, baa nə wutə ki, baa nə yifwàŋ yi fuu ntee ndwə, baa nə wutə Kristo maa məsɔꞌ mbi yinshə. Vɨ ghɔ̀ꞌ wə ntɨə faŋ ŋwə yaa kɨ kwaŋ vaŋ-nshwi vaŋ-nsiŋ taa nsɔꞌ, wuu məbweꞌsə vɨɨ faŋ ŋwə kɔ̀ŋtə vəŋ tɨ́ Nwi ŋwaa-nsiŋ vətuꞌ nə shɨshwi.

Reveleyshən 12:12

Nɨniŋ, yizɔ ŋaytə ghɔ vɨ vɨɨ vənshə faŋ vəŋ lùu yizɔ nə. Luu nə, ŋɨꞌ shɨ nsi nə fuu mamuu, buꞌ laa tɨɨ vəzwitə vəbwəvə siꞌ gə̀ shɔ, yè viŋ, tɨ́ fwi yi shə dɨdɨꞌ, buꞌ faŋ ŋwə kɨɨ laa yighee yi tuŋsə̀.»

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 20:10

Vɨ mɔꞌ tɨɨ vəzwitə vəbwəvə, faŋ ŋwə nə bwèꞌsə vɨɨ vɔ́ nə, taa shəŋ wisə kwalə, faŋ ŋwə kɨɨ, lumə ki zwilə vɨɨ nə, maa shəŋ ŋkɨə faŋ nyaa yi ghɔ wuu məsɨɨ təba wi lùu shɔ nɨzi nə. Vəŋ ye ŋɨꞌ shɔ vətuꞌ nə shɨshwi maa vəshi və mbi vənshə, ki kee ndɔ luu shɔ me.

Reveleyshən 20:2

Ŋwə jwi jìa zɔ-ŋgu-yibay faŋ lùu zɔ yimwa yì, baa lùu Satan, tɨɨ vəzwitə vəbwəvə, ka ŋwə maa ŋuꞌ ŋkaŋ,