1 Pita 5:6 - Vengo (Babungo)

⁶ Nɨniŋ, viŋ bwasə yiŋwaa yiŋ nsi, faŋ ghɔ Nwi kəweꞌkə fiitə viŋ nsi, tɨ́ kɨ kaꞌ ŋwə ndɔ baa shaꞌsə viŋ yizɔ maa yighee njyə faŋ ŋwə kàw.

1 Pita 5:6 ပူးပေါင်းရင်းမြစ်များ

Matiu 23:12

Wə ntɨə faŋ ŋwə koꞌsə ŋwaa wi, vɨ ndɔ suꞌsə ŋwə nsi. Wə ntɨə faŋ ŋwə suꞌsə ŋwaa nsi, vɨ ndɔ koꞌsə ŋwə yizɔ.»

Lukas 1:52

Ŋwə yaa kɨ suꞌsə vəfwàŋ vəweꞌvə fɨ fuu vəkenə vəvəŋ, koꞌsə vɨɨ faŋ vəŋ kee kìi təzii me.

Lukas 14:11

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Roma 5:6

Ŋwə nə də ŋkawnə yi tɨ́ nsiŋ, buꞌ faŋ Kristo nə kù tɔ nsiŋ maa yighee njyə faŋ Nwi nə tə nə, faŋ nsiŋ nəə kɨ bii vəbwa, baa lùu vɨɨ məmanə Nwi nə.

1 Kɔrintian 10:22

Nsiŋ kɨ ndi yighee buꞌ nsiŋ yɨ̀ nu faŋ njyoꞌ tɨta Yeso taa lia maa nsiŋ. Viŋ nə bɨꞌtə laa nsiŋ kìi wutə shɔ̀ɔ ŋwə mu?

1 Timoti 2:6

Ŋwə nə kɔ̀ ŋwaa wi, kù tɔ vɨɨ vənshə maa məbweysə vəŋ. Lùu nu ŋkɨə faŋ Nwi nə nùŋsə laa vɨ ndɔ kɨ fɨꞌtə tɨ́ vɨɨ faŋ yighee kuꞌnə.

Taytəs 1:3

Ŋwə nə yɨ̀ laa yigisə yi yɔ́ fuu ntee yikəꞌ vɨɨ maa njii yighee. Yigi yɔ́ lùu ntɔŋ yijəə Nwi faŋ Nwi, wuu məbweysə ŋwaa-nsiŋ, nə kɔ̀ ghɔ mə, laa mə kɨ fɨꞌtə tɨ́ vɨɨ.

Jeyms 4:10

Viŋ suꞌsə ŋwaa wiŋ nsi vɨsɨ Mɔꞌmbi, buu Nwi shaꞌsə viŋ yizɔ.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

Jeyms 5:10

Bàw viŋ lumə nu nshiisə-ŋii sɔghɔ, faŋ vəŋ nə fɨꞌtə maa yizii Mɔꞌmbi, jia fwisə vəŋ faŋ vəŋ nə yè ŋɨꞌ. Bàw viŋ jia fwi siŋ yaa vəŋ.