1 Pita 5:5 - Vengo (Babungo)

⁵ Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

1 Pita 5:5 ပူးပေါင်းရင်းမြစ်များ

Lukas 22:26

Kɨ ŋkə kee lùu nɨniŋ taa ŋwaa viŋ me. Bàw ŋkee wuu kwalə fɨ taa ŋwaa viŋ luu yaa ŋkee weembwa. Nshɔɔ vɨsɨ lùu yaa wuu faꞌ.

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

Efesɔs 5:21

Kɨ zɔnə viŋ viŋ, buꞌ laa viŋ zɔnə Kristo.

Filipi 2:3

Kɨ viŋ kɨ ŋwiŋ me, tɨꞌnə me, koꞌsə yiŋwaa me! Viŋ bee kɨ kii sùꞌsə yiŋwaa yiŋ nsi, ndeynə wə tɨ̀ me wə laa ŋwə shɔ̀ɔ viŋ.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Timoti 5:1

Kaa gi yigi yishəsə tɨ́ wuu taa me, kɨ tɨsə ŋwə sheꞌ yaa tii wə, tɨsə zawə yaa vaŋ-nshwi və,

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Pita 4:5

Luu nə, vəŋ ndɔ ghaa kɔ bəŋsə yigi tɨ́ Kristo faŋ ŋwə lòotə ŋwaa maa məjwi sɔ̀ꞌ vənu və vɨɨ bweynə, nə vənu və vəŋku vənsisə.