1 Pita 5:4 - Vengo (Babungo)

⁴ Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

1 Pita 5:4 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:11

«Mə lùu yaa nshii bisə yijəə. Nshii bisə yijəə yaa kɨ ku tɔ bisə si.

1 Kɔrintian 9:25

Wə tɨ̀ me wə faŋ ŋwə gì laa yi taa sɨɨnə ghuu, lootə ŋwaa wi ŋkee jəə, mèꞌtə vənu vəyaŋ, tɨ́ kaꞌ ŋwaa wi weꞌ. Ŋwə yɨ̀sə nɨniŋ laa ŋwə kìi vəkeynə. Vəkeynə mbɨə faŋ ŋwə kəə mbə nə, lùu fa faŋ kaꞌ ŋkə bɨ. Luu nə, vəkeynə mbɨə faŋ nsiŋ tə̀ sɨ shɔ laa nsiŋ taa kii nə, lùu məbwey vəlwaŋ faŋ kaꞌ ŋwə kee ndɔ bɨ me.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.

1 Pita 5:2

Viŋ luu nshii nwaa bisə Nwi nsɨə faŋ nsə lùu ghɔ viŋ nə. Kɨ viŋ kɨ yɨsə nɨniŋ yaa vɨ dɔɔ viŋ dɨdɔɔ me! Viŋ yɨsə nə njyoꞌ yijəə yiŋ, faŋ nyə kùꞌnə tɨ́ Nwi. Kɨ viŋ kɨ yɨsə laa vɨ ndɔꞌ viŋ nə ka me. Viŋ yɨsə sheꞌ nə fwi yijəə. Wə faŋ ŋwə yɨsə maa ka, tɔ ki dɨɨ.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.