1 Pita 5:3 - Vengo (Babungo)

³ Kɨ viŋ kɨ sɔꞌ vɨɨ mbɨə faŋ vɨ nùŋ taa ghɔ viŋ nə məshəsə me. Bàw viŋ luu shwenə tɨ́ nwaa bisə ghɔ́.

1 Pita 5:3 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:15

Mə nii də̀ shwenə nu tɨ́ viŋ, laa viŋ baa kɨ luu yɨ faŋ mə yɨ̀sə maa viŋ nə.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

1 Kɔrintian 11:11

Luu nə, taa ŋwaa vɨɨ Nwi, faŋ nsiŋ fàynə ghɔ vɨ Yeso Kristo, wəndɔŋ kee lùu shɔ nɨnɔŋ wi me, wəzwi kee lùu shɔ nɨnɔŋ wi me. Vəŋ lùu sheꞌ yaa fa kəmuꞌ.

1 Kɔrintian 3:5

Apɔlɔs sii lùu ndə? Pɔɔl lùu ndə? Maa yia luu sheꞌ vɨɨ faꞌ Nwi, faŋ Nwi nə tɔŋ laa yia gaŋtə viŋ, viŋ nuŋ fwi siŋ maa Yeso Kristo. Yia faꞌ sheꞌ faꞌ ŋgwə faŋ Nwi kɔ̀ tɨ́ yia tɔ tɔ.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

2 Kɔrintian 1:24

Kɨ ŋkə kee lùu laa yia kɨ sɔꞌ nsɔꞌ tɔ viŋ buꞌ məbiŋ wiŋ, faŋ viŋ nùŋsə fwi siŋ maa Kristo me. Yia bee kii lùu vɨɨ məgaŋtə viŋ laa viŋ kii məŋaytə, buꞌ laa viŋ duꞌtə viŋ nuŋsə fwi siŋ maa Kristo, gòꞌsə shɔ.

2 Kɔrintian 4:5

Nu ŋkɨə faŋ yia fɨꞌtə, kee bee lùu nu kia me, lùu ŋkə tɨta Yeso Kristo. Yia lùu vɨɨ faꞌ viŋ buꞌ Yeso.

Filipi 3:17

Vaŋ-nshwi vaŋ, viŋ vənshə kɨ toꞌ nə nshinə njyə faŋ viŋ yè maa mə nə. Viŋ kɨ ndeynə vɨɨ mbɨə faŋ vəŋ yɨ jəə maa jɨɨ yinjii. Yia lùu vəshwenə, tɨ́ kaꞌ viŋ kɨ beꞌsə.

Filipi 4:9

Viŋ kɨ yɨsə vənu mbɨə faŋ mə nə dèesə viŋ shɔ, baa mèꞌtə taa ghɔ viŋ nə. Vənu mbɨə faŋ viŋ nə zɔ̀ fɨ ghɔ mə, baa yè faŋ mə yɨsə, lùu mbɨə faŋ viŋ taa yɨ nɨzi. Nɨniŋ nə, Nwi, faŋ ŋwə kɔ məduꞌ-nyɔŋ tɨ́ vɨɨ nə, taa goꞌsə viŋ vɨ vəŋ.

1 Tesalonika 1:7

Nɨniŋ, viŋ gu vɨɨ tɨ́ kaꞌ vɨɨ məbiŋ Nwi fɨ shɨ Makedonia baa nə fɨ shɨ Akaya vənshə bèꞌsə ghuu yitoꞌ kiŋ,

2 Tesalonika 3:9

Yia nəə kee yɨ nɨniŋ buꞌ faŋ ŋkə nə kee kùꞌnə tɨ́ yia me. Yia nəə yɨ nɨniŋ laa yia də shwenə nu tɨ́ viŋ, tɨ́ kaꞌ viŋ ndì ghuu yitoꞌ kia fɨ fuŋ.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.