1 Pita 5:10 - Vengo (Babungo)

¹⁰ Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

1 Pita 5:10 ပူးပေါင်းရင်းမြစ်များ

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

2 Tesalonika 3:3

Luu nə, tɨta Kristo lùu wuu yinsəŋ, kwaŋ wutə maa viŋ, shìinə viŋ fɨ ghɔ tɨɨ vəzwitə vəbwəvə.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

2 Pita 1:3

Nwi faŋ ŋwə kìi wutə kənshə, kèy nsiŋ nə vənu vənshə, faŋ mbə kùꞌnə maa məzɨ məbwey vəlwaŋ, nə maa məshi nə nshinə yijəə. Nwi nə kɔ̀ vənu vɔ́ tɨ́ nsiŋ buꞌ faŋ nsiŋ kɨ̀ɨ nə Yeso Kristo, faŋ ŋwə nə shòꞌ nsiŋ nə wutə ki, baa nə taa nshinə yijəə yi nə.

1 Pita 1:15

Viŋ luu vəley maa ghuu yitoꞌ kiŋ kənshə yaa Nwi faŋ ŋwə nə tìi viŋ nə, faŋ ŋwə ley bàw gə̀ fùu.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Tesalonika 2:14

Ŋwə nə tìi viŋ faŋ yia nə fɨ̀ꞌtə ntɔŋ yijəə Nwi tɨ́ viŋ nə, laa viŋ ndɔ kii feenə yaa tɨta ŋwaa-nsiŋ Yeso Kristo kìi feenə nə.

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Roma 15:5

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo.

1 Jɔn 2:25

Nu ŋkɨə faŋ nshɨ-tɔ Yeso nə kɔ̀ꞌnə maa məndɔ kɔ tɨ́ viŋ, lùu məbwey vəlwaŋ.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 9:11

faŋ vaŋ vɔ́ nəə kɨ bii taa njyoꞌ ŋwə, kee bee ta yɨ̀ nu jəə me, tɨꞌnə me nu bwə me, Nwi nə shòꞌ wə muꞌ fɨ taa ŋwaa vəŋ. Nɨniŋ laa vɨ kɨ ye laa Nwi yaa kɨ shoꞌ wə ntɨə faŋ ŋwə kàw.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

Roma 9:24

Nwi tii nsiŋ laa lùu vɨɨ vi, kee tii nsiŋ sheꞌ fɨ taa ŋwaa vɨɨ Jus me, tìi vəmɔ́ꞌ fɨ taa ŋwaa vɨɨ tɔmə day faŋ kee lùu vɨɨ Jus me.

1 Kɔrintian 1:10

Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.