1 Pita 4:11 - Vengo (Babungo)

¹¹ Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Pita 4:11 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:31

Faŋ Judas nə gə̀ nɨniŋ nə, Yeso gi tɨ́ vɨɨ məzwetə nu ki laa, «Yighee kùꞌnə faŋ vɨɨ taa ye yikwalə Wuu yinsəŋ Nwi. Vɨ taa ye yikwalə Nwi nɨzi buꞌ ŋwə.

Akts 7:38

Luu sheꞌ Mose ghɔ́ faŋ ŋwə nə luu ghɔ vɨɨ Isirayl taa tɔɔ waꞌsə, shəŋtə vəŋ nə, faŋ ŋwə nə kòꞌ fuu baŋ Sinai, nshiiŋii Nwi gi tɨ́ ŋwə, ŋwə bəŋ siꞌ gə̀ nàysə tɨ́ vətɨɨ vaŋ-nsiŋ. Ŋwə nə fì yigisə Nwi kɔ̀ŋ məbwey, shɔ̀ɔsə tɨ́ nsiŋ.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

Roma 16:27

Nɨniŋ, nsiŋ kɨ bəŋsə Nwi faŋ yitɔfə yinshə ndɔ̀ fɨ ghɔ ŋwə, buꞌ nu Yeso Kristo maa vəshi və mbi vənshə, kee ndɔ shìa ki me. Ŋkə lùu nɨniŋ.

Roma 3:2

Ŋkə ghaŋ gaŋtə wə ŋkee jəə maa vənu vəyaŋ. Mfɔŋ nu lùu laa, Nwi nə nuŋsə vənu vənshə faŋ Nwi nə gì, taa ghɔ vɨɨ Jus.

1 Kɔrintian 10:31

Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

1 Kɔrintian 12:4

Vənu mbɨə faŋ Zwitə Nwi kɔ wutə tɨ́ vɨɨ laa vəŋ kɨ yɨsə, lùu nɨŋkwiŋ nɨŋkwiŋ. Luu nə, Zwitə Nwi kɔ́ luu sheꞌ kəmuꞌ.

1 Kɔrintian 3:10

Yighee vɨsɨ, faŋ mə nə fɔŋ jwì yɨ viŋ nə, Nwi nə kɔ̀ tɔ ley shee, tɨ́ kaꞌ mə bɔ̀ŋ shɨ ŋii Nwi kɔ́ yaa wuu məfianə ndɔꞌ jəə. Wə dɨday kɨ nii tey kɨ bɔŋ vəlɨtə və ŋii vɔ́. Bàw wə tɨ̀ me wə faŋ ŋwə bɔ̀ŋ ŋii yɔ́, ndɨ yighee, kɨ bɔŋ maa jɨɨ yijəə.

1 Kɔrintian 6:20

Viŋ kɔꞌ kɨɨ laa Yeso Kristo nə ywàŋ viŋ ŋkee nə mənshi mi, faŋ ŋwə nə kù tɔ nsiŋ nə. Nɨniŋ, viŋ kɨ ndɨ yiŋwaa yiŋ maa məbəŋsə Nwi!

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Efesɔs 1:19

Bàw viŋ kɨɨ nɨzi faŋ ŋwə wèꞌ shɔ̀ɔ ki. Ŋwə faꞌ taa ŋwaa nsiŋ, vɨɨ məbiŋ vi, ŋkee nə wutə ki kəkwalə.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Efesɔs 6:10

Nu məndwə lùu laa, viŋ weꞌ maa nu Nwi nə maa wutə məkwalə ki.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Kɔlɔsii 4:6

Viŋ yɨsə laa yigisə yiŋ luu yizutə, nyə baa lùu yindɨŋ tɨ́ vɨɨ, tɨ́ kaꞌ viŋ kɨ̀ɨ maa məbəŋsə yigi tɨ̀ me yigi tɨ́ vɨɨ ŋkee yijəə.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

Taytəs 2:1

Gə fɨ maa ghɔ, bàw a naysə nu ŋkɨə faŋ ŋkə kùꞌnə maa nu yinsəŋ Nwi, faŋ nsiŋ deesə nə.

Taytəs 2:15

Kɨ gisə vənu vɔ́ tɨ́ vɨɨ, tɨsə vəŋ shɔ, ŋaꞌsə sɨ vəŋ buꞌ vənu vəbwəvə vəŋ, yɨsə nɨniŋ nə wutə kə kənshə. Kɨ wə shia ghɔ me.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Hibru 5:12

Yighee kùꞌ tɨ́ kaꞌ viŋ deesə vɨɨ mɔ́ꞌ, buꞌ laa viŋ yaa zwetə fɨshi. Luu nə, viŋ kee bee ta kɨɨ nə nu me! Viŋ bəə wə faŋ ŋwə jwi deesə viŋ nə mfɔŋsə vənu kɔ̀ŋ ntɔŋ Nwi. Viŋ kee ta lùu vɨɨ tɨ́ kaꞌ viŋ zɨ̀ fazɨ vɨɨ taanə me. Vɨ bee kii kɔ̀ məməŋ tɨ́ viŋ faŋ lùu fazɨ vaŋmbwaa nə.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.

1 Pita 4:16

Luu nə, wə kɨ luu ye ŋɨꞌ buꞌ laa ŋwə lùu wuu Kristo, kɨ tɔ ki dɨɨ me. Bàw ŋwə bəŋsə Nwi, buꞌ faŋ vɨ ndì ŋwə laa lùu wuu Kristo.

1 Pita 5:11

Wutə Nwi goꞌsə yighee muꞌ, kee ndɔ kwiinə me. Ŋkə lùu nɨniŋ.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.