1 Pita 4:1 - Vengo (Babungo)

¹ Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Pita 4:1 ပူးပေါင်းရင်းမြစ်များ

Mark 3:3

Yeso kɨɨ nɨniŋ, gì tɨ́ wə ghɔ́ faŋ kwiŋ wi nə ku muꞌ nə laa, «Ndɔ jwi tɨŋnə nɨntəŋ feenə!»

Roma 6:11

Sheꞌ nɨniŋ, bàw viŋ kɨɨ yinsəŋ laa viŋ lùu vəŋku və nsisə maa kwiŋ nu bwə. Viŋ dùꞌ vəbwey lùu tɨ́ Nwi, fɨ yiba jɨŋ tɨta ŋwaa-nsiŋ Yeso Kristo.

Roma 6:2

Bey, kee lùu nɨniŋ me, kaꞌ nsiŋ kee bìŋ nɨniŋ me. Faŋ nsiŋ kùkə tɨ́ nu bwə, sii kaꞌ nsiŋ baa bwèy dùꞌ kɨ yɨ nu bwə kɨkə?

Roma 6:7

Lùu nɨniŋ buꞌ laa wə faŋ ŋwə nə kù nɨniŋ nə, buu kaꞌ nu bwə kee baa sɔ̀ꞌ ŋwə me.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 6:13

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

Filipi 2:5

Bàw mbɨꞌtə yiŋ fɨ taa fwisə viŋ lùu yaa njyə Yeso Kristo:

Hibru 12:3

Bàw viŋ lumə nu Yeso kɔ́, faŋ ŋwə nə bìŋ maa məye ŋɨꞌ, yè ŋɨꞌ fɨ ghɔ vɨɨ bwənə faŋ vəŋ nə bee ŋwə nə. Viŋ lumə ŋwə, tɨ́ kaꞌ viŋ kee bwa me, fwi siŋ kee bwa nɨzi me.

Hibru 4:10

Wə ntɨə faŋ ŋwə ŋìi maa shəŋ məshəŋ ŋwaa ŋkɨə faŋ Nwi kɔꞌnə nə, ndɔ kii məshəŋ ŋwaa, vəfaꞌ vi me, sheꞌ faŋ Nwi nə metə vəfaꞌ vi, kɨ nii shə̀ŋ ŋwaa nə.

1 Pita 2:21

Nwi tìi viŋ laa viŋ biŋ ŋɨꞌ nɨniŋ, buꞌ laa nshɨ-tɔ Kristo nə bìŋ ŋɨꞌ buꞌ viŋ, meꞌtə shwenə tɨ́ viŋ, laa viŋ beꞌsə ghuu ghi.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.