1 Pita 3:9 - Vengo (Babungo)

⁹ Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.

1 Pita 3:9 ပူးပေါင်းရင်းမြစ်များ

Matiu 19:29

Wə tɨ̀ me wə faŋ ŋwə mèꞌtə ŋii yi, tɨꞌnə me vaŋ-nshwi vi, tɨꞌnə me tii wi, tɨꞌnə me nshu wi, tɨꞌnə me vaŋ vi, tɨꞌnə me ndɨɨsə si buꞌ nu yizii kaŋ, taa baa kɨ ye vəmɔ́ꞌ ŋkee vəyaŋ, ndɔ baa zɨ̀ məbwey faŋ ŋwə gòꞌsə yighee muꞌ.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 5:39

Luu nə, mə gì ŋkaŋ tɨ́ viŋ laa, «Kɨ viŋ fəŋ nu bwə faŋ wə kəə yɨ̀sə maa viŋ me. Wə kɨ luu sàŋ yifəə yə, njyə kwiŋ maꞌnə, a kiasə kwiŋ mɔ́ꞌ, də̀ tɨ́ ŋwə nɨzi.

Matiu 5:44

Luu nə, mə gì ŋkaŋ tɨ́ viŋ laa, «Viŋ kɨ kaw vɨɨ mbeenə viŋ, buꞌ ghɔ tɨ́ Nwi tɔ vɨɨ faŋ vəŋ shoꞌ ghuu ghiŋ.

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Lukas 10:25

Maa yighee yɔ́ wuu mədeesə ŋwaꞌlə Nwi mɔ́ꞌ jwi maa Yeso, kɨ kəə mɔŋ ŋwə, gì laa, «Tɨta, sii kaꞌ mə yɨ̀ kə, buu ndɔ zɨ məbwey faŋ ŋwə gòꞌsə yighee muꞌ?»

Lukas 18:18

Nə luu maa yighee yɔ́, shɨꞌ mɔ́ꞌ jwi bìtə tɨ́ Yeso laa, «Tɨta, faŋ a lùu wuu jəə, mə sii taa yɨ kə, buu ndɔ zɨ məbwey vəlwaŋ faŋ ŋwə gòꞌsə yighee muꞌ?»

Roma 12:14

Viŋ tu mənɔŋ-bwaŋnə tɔ vɨɨ mbɨə faŋ vəŋ shoꞌ ghuu ghiŋ. Viŋ tu mənɔŋ-bwaŋnə tɔ vəŋ, kee kɨ ndasə vəŋ me.

Roma 12:17

Kɨ viŋ kɨ bəŋsə nu bwə tɨ́ wə nə bwə me, lumə sheꞌ maa məyɨ nu jəə sɨ vɨɨ vənshə.

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

Roma 8:30

Vɨɨ mbɨə faŋ ŋwə nə nùŋsə vəŋ nɨniŋ fɨshi nə, ŋwə kɨ nii tìi vəŋ nɨzi, laa vəŋ gù vɨɨ vi. Vɨɨ mbɨə faŋ ŋwə tìi vəŋ nɨniŋ nə, ŋwə kìasə nu vəŋ, ŋkə loomə. Vɨɨ mbɨə faŋ ŋwə kiasə nu vəŋ, ŋkə loomə nə, ŋwə yɨ̀sə vəŋ baw shɨlə.

Galatia 3:14

Lùu ŋiꞌ nu ŋkɨə faŋ ŋkə yɨ̀, buu kaꞌ vɨɨ vənshə fɨ mbi ndɔ ye mənɔŋ-bwaŋnə fɨ ghɔ Nwi, faŋ Nwi nə kɔ̀ꞌnə tɨ́ Abraham nə. Ŋkə luu sheꞌ buꞌ Yeso Kristo faŋ ŋwə nə kù tɔ nsiŋ nə. Lùu faŋ nsiŋ fi Zwitə Nwi, faŋ Nwi nə kɔ̀ꞌnə maa məkɔ tɨ́ nsiŋ nə. Nsiŋ fi Zwitə Nwi kɔ́, faŋ nsiŋ nuŋ fwi saŋ-nsiŋ maa Kristo.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

1 Tesalonika 5:15

Viŋ kɨ ye laa kɨ wə bəŋsə bwə nə bwə me. Viŋ bee kii kɨ yɨ̀sə jəə maa viŋ, viŋ viŋ, baa luu yɨ̀sə jəə maa vɨɨ vənshə.

Hibru 12:17

Viŋ kɔꞌ kɨɨ laa, nə luu maa yighee yiba, Esaw nəə kəə laa tii wi tu mənɔŋ-bwaŋnə tɔ yi, luu nə, vɨ twey tɨ́ ŋwə. Jɨɨ nə kee baa lùu shɔ, tɨ́ kaꞌ ŋwə kwìinə nu ŋkɨə faŋ ŋwə nə yɨ̀sə nə me, faŋ ŋwə nə kɔlə gwia, mənsɨ fuu nə.

Hibru 6:14

Maa yighee yɔ́ Nwi nə kɔꞌnə tɨ́ Abraham, gì laa, «Yinsəŋ mə taa yɨsə ŋkee jəə maa ghɔ, mə taa baa yɨsə ŋgwisə yə luu ŋkee yiyaŋ.»

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.