1 Pita 3:8 - Vengo (Babungo)

⁸ Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.

1 Pita 3:8 ပူးပေါင်းရင်းမြစ်များ

Matiu 18:33

Maa ŋkə nii bàw laa a gaŋtə weenshu wə wuu faꞌ nɨzi, faŋ mə nə gàŋtə ghɔ nə.»

Lukas 10:33

Wə mɔ́ꞌ fɨ shɨ Samaria jwi, (faŋ vɨɨ Jus ghɔ vɨ vɨɨ Samaria kee yaa kɨ zɨnə me). Wuu Samaria ghɔ́ jwi, ziꞌ yɨ wə ghɔ́, ye ŋwə, kèe gəŋ si,

Akts 2:1

Shi zwisə Pentekos kuꞌ, vɨɨ Yeso vɔ́ vənshə baa baytə shəŋ muꞌ.

Akts 27:3

Fu kɨ lee yia ziꞌ Sidon. Fwi Julius nə luu yijəə maa Pɔɔl. Ŋwə biŋ tɨ́ Pɔɔl laa ŋwə gə yè vɨɨmba vi, tɨ́ kaꞌ vəŋ gaŋtə ŋwə nə vətɔ mbɨə faŋ ŋwə nəə bəə maa yitoꞌ yɔ́.

Akts 28:7

Goməna mɔ́ꞌ nə luu shɔ maa shɨ kɔ́, yizii yi luu Pɔbliɔs. Ŋwə nə kìi fu wi mɔ́ꞌ yɨ shəŋ ŋkɨə faŋ vɨ Pɔɔl nə koꞌ mbɔꞌ-bia nə. Goməna ghɔ́ ndi yia ŋkee jəə, zə̀ yia maa vəshi vətia.

Akts 4:32

Nwaa vɨɨ mbɨə faŋ vəŋ nə fìŋ tɔ vəŋ tɨ́ Kristo nə, fwi vəŋ luu yimuꞌ, yigisə vəŋ luu yimuꞌ nɨzi. Tuu wə kee tìi fa nə ŋkii me, vətɔ vəvəŋ vənshə luu fa kəmuꞌ.

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Roma 15:5

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo.

1 Kɔrintian 1:10

Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

1 Kɔrintian 12:26

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Efesɔs 4:31

Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə!

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Filipi 2:3

Kɨ viŋ kɨ ŋwiŋ me, tɨꞌnə me, koꞌsə yiŋwaa me! Viŋ bee kɨ kii sùꞌsə yiŋwaa yiŋ nsi, ndeynə wə tɨ̀ me wə laa ŋwə shɔ̀ɔ viŋ.

Filipi 3:16

Luu nə, kɨ nsiŋ bəŋ yiba me; nsiŋ kɨ beꞌsə vənu mbɨə faŋ nsiŋ nə teꞌsə beꞌsə nə.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

Hibru 13:1

Viŋ kɨ kaw nə yiŋwaa yiŋ, kee bwa me.

Jeyms 2:13

Nwi ndɔ kee kee gəŋsə wə ntɨə faŋ ŋwə kee yaa kɨ kee gəŋsə vɨɨ me. Luu nə, wuu məkee gəŋsə ndɔ ye laa gəŋsə Nwi kwalə shɔ̀ɔ nsɔꞌ Nwi.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Jeyms 5:11

Maa nsiŋ yaa kɨ gisə laa Nwi nə tu mənɔŋ-bwaŋnə tɔ vɨɨ vɔ́, faŋ vəŋ nə jìa fwisə vəŋ taa ŋɨꞌ nə. Maa viŋ zɔ̀ faŋ Job nə jìa fwi yi. Viŋ kɨ̀ɨ nɨzi faŋ Mɔꞌmbi nə gaŋtə ŋwə fɨ yiba. Kaꞌ viŋ yè fɨ fuŋ laa Mɔꞌmbi yaa kɨ kee gəŋsə vɨɨ dɨdɨꞌ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:17

Viŋ bəŋsə vɨɨ vənshə yuu ŋkə kùꞌnə, kaw vaŋ-nshwi viŋ, baa fèe Nwi, baa bə̀ŋsə fwàŋ.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

2 Pita 1:7

Faŋ viŋ zɔnə Nwi nɨniŋ nə, viŋ kɨ kaw vaŋ-nshwi viŋ maa yizii Yeso Kristo. Faŋ viŋ kaw vaŋ-nshwi viŋ nɨniŋ nə, viŋ kɨ kaw vɨɨ vənshə.

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.