1 Pita 3:7 - Vengo (Babungo)

⁷ Gə fɨ maa viŋ, vəndɔŋ, viŋ duꞌ jəə viŋ vɨ vəki viŋ. Viŋ kɨ tɔfə buꞌ laa viŋ kɔꞌ kɨɨ laa wutə vəki kee kùꞌ ghɔ ŋkiŋ me. Viŋ kɨ zɔnə vəŋ nɨzi, buꞌ laa Nwi kɔ̀ məbwey vəlwaŋ tɨ́ viŋ vɨ vəŋ vənshə dayday. Viŋ kɨ yɨ nɨniŋ, tɨ́ kaꞌ nu kəmuꞌ kee ghɔ̀ꞌ viŋ faŋ viŋ shɔꞌtə Nwi me.

1 Pita 3:7 ပူးပေါင်းရင်းမြစ်များ

Matiu 18:19

Mə baa naysə ŋkee nu tɨ́ viŋ laa, vɨɨ vəbɔɔ fɨ taa ŋwaa viŋ kɨ luu faynə yigisə vəŋ nsi feenə maa məbuꞌ ghɔ tɨ́ Nwi buꞌ nu mɔ́ꞌ, buu Tii ŋwaa fɨ yizɔ taa yɨsə nu kɔ́ tɨ́ vəŋ.

1 Kɔrintian 7:3

Wəndɔŋ yɨ̀ nu ŋkɨə faŋ ŋkə kùꞌnə tɨ́ kaꞌ ŋwə yɨ̀sə maa zu wi; wəzwi yɨ̀sə nu ŋkɨə faŋ ŋkə kùꞌnə tɨ́ kaꞌ wəzwi kɨ yɨ maa ndəə wi.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

Efesɔs 5:33

Nɨniŋ nə, viŋ nɨzi, wə kɨ kaw zu wi, wə kɨ kaw zu wi yaa yiŋwaa yiŋ! Wəzwi kɨ fee ndəə wi!

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Kɔlɔsii 3:19

Gə fɨ maa viŋ, vəndəə və vəki, viŋ zɔ! Viŋ kɨ kaw vəki viŋ! Kɨ viŋ kɨ shə tɨ́ vəŋ me!

1 Tesalonika 4:4

Bàw wə tɨ̀ me wə kɨ shiinə ŋwaa wi, shi sheꞌ ghɔ zu wi, tɨ́ kaꞌ viŋ lùu vɨɨ ley vɨsɨ Nwi, gə̀ nə vɨsɨ, vɨ kɨ bəŋsə viŋ shɔ vɨsɨ Nwi.

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

1 Pita 3:1

Gə fɨ maa viŋ vəki, bàw viŋ zɔnə vəndəə viŋ, bwàsə yiŋwaa yiŋ, tɨ́ kaꞌ vəndɔŋ vəmɔ́ꞌ faŋ vəŋ kee bìŋ nu Nwi me, kwìinə fwisə vəŋ, faŋ vəŋ yè nshinə yijəə yiŋ, faŋ viŋ kee bee tɨ vəŋ nə shuu me.